ޝަރުތުތަކާއެކު ގޭބަންދަށް ދޫކޮށްފައިވާ ޔާމީން އަންނަނީ އިސްވެ ހުންނަވައި ޕީޕަލްސް ނޭޝަނަލް ފްރޮންޓ(ޕީއެންއެފް)ގެ ނަމުގައި ސިޔާސީ ޕާޓީއެއް އުފެއްދުމުގެ މަސައްކަތް ކުރައްވަމުންނެވެ.
ޖަލު ހުކުމެއްގައި ހުންނަ މީހަކު ސިޔާސީ ހަރަކާތްތަކުގަައި ބައިވެރިވުން ގާނޫނޫގައި ވަނީ މަނާކުރެވިފައެވެ.
އެހެން އޮންނަ އިރު ތަކުރާރުކޮށް ޔާމީން އަންނަނީ ސިޔާސީ ހަރަކާތްތަކުގައި ބައިވެރިވަޑައިގަންނަވަމުންނެވެ.
މީގެ ކުރިން ދެ ފަހަރެއްގެ މަތިން ކަރެކްޝަންސް އިން ވަނީ ޔާމީން ސިޔާސީ ހަރަކާތްތަކުގައި ބައިވެރިވަޑައިގަންނަވާ މައްސަލަ ބަލަމުން އަންނަކަމަށް ބުނެފައެވެ.
ޔާމީން ވަނީ އެފަހުން ސިޔާސީ ހަރަކާތްތަކުގައި ބައިވެރިވުން އަދި ޓީވީ ޕްރޮގްރާމުތަކުގައި ބައިވެރިވެވޭ ގޮތައް ލުއިދިނުމަށް ކަރެކްޝަންސްގައި އެދިފައެވެ.
ނަމަވެސް ކަރެކްޝަންސް އިން ވަނީ ލުއިދިނުމަށް ދެކޮޅު ހަދާފައެވެ.
ރަައީސް ޔާމީން މިނިވަންކުރުމަކީ މިހާރުގެ ރައީސް ޑރ. މުހައްމަދު މުއިއްޒުގެ ވައުދެކެވެ.
