ކާޑެއްދޫ އަށް 44 މިލިމީޓަރުގެ ވާރޭ ވެފައިވާއިރު ދިއްފުއްޓަށް 43 މިލިމީޓަރުގެ ވާރޭ ވެހިފައިވެއެވެ.
މެޓުން މިއަދު ބުނީ މިއަދުވެސް ރާއްޖޭގެ ބޮޑު ބަޔަކަށް ވިއްސާރަކުރާނެކަމަށެވެ.
މިވަގުތު ކަނޑުތައް އެންމެ ގަދައީ ރާއްޖޭގެ މެދާއި އުތުރަށް ކަމަށާއި، ރާޅުގެ އުސްމިނުގައި 7 ފޫޓާއި 4 ފޫޓާއި ދެމެދުގެ އުސްމިނެއް ހުންނަކަމަށް މޫސުމާބެހޭ ގައުމީ އިދާރާއިން މިއަދު ބުންޏެވެ.
މި އުސްމިނުގައި ރާޅު ހުންނާނީ ހުޅުލެ އަދި ހަނިމާދޫ ހިމެނޭ ސަރަހައްދަށެވެ.
އިއްޔެ މުޅި ރާއްޖެއަށް އަވަނީ ވިއްސާރަކޮށްފައެވެ. އަދި ކުރިއަށް އޮތް 24 ގަޑިއިރު ވެސް ބޮޑު ބަޔަކަށް ވިއްސާރަކުރާނެކަމަށް މެޓުން ބުނެއެވެ.
އެންމެ ގިނައިން އިއްޔެ ވާރޭ ވެހުނީ ކާޑެއްދޫ އަށާއި ދިއްފުއްޓަށެވެ.
ރާއްޖޭގެ ބައެއް ސަރަހައްދުތަކަށް އިއްޔެއަށްވުރެ މިއަދު ވައި މަޑެވެ. އެގޮތުން ހުޅުލެއާއި ހަނިމާދޫއަށް 10 މޭލާ 20 މޭލާ ދެމެދުގެ ބާރުމިނެއްގައި ވައިޖެހޭނެއެވެ. ކާޑެއްދޫ، ކައްދޫ އަދި ގަމަށް ގަޑިއިރަކު 5 މޭލާއި 10 މޭލާއި ދެމެދުގެ ބާރުމިނުގައި ވައިޖެހޭނެއެވެ.
ކައްދުއާއި ކާޑެއްދޫ ހިމެނޭ ސަރައްހައްދަށް ރާޅުގެ އުސްމިނުގައި ހުރީ 2 ފޫޓާއި 5 ފޫޓުކަމަށް މެޓުން ބުނެއެވެ.
