ރޯމާ - ޔުވެންޓަސް މެޗުގެ ތެރެއިން
ރޯމާ އަތުން ޔުވެންޓަސް މޮޅުވެއްޖެ
ސްޕޯޓްސް ޓީމް
31 ޑިސެމްބަރ 2023 - 13:12:40
އިޓާލިއަން ލީގުގައި ރޯމާ އަތުން މޮޅުވެ، ޔުވެންޓަސް އިން އެއް ވަނައިގައި އޮތް އިންޓަ މިލާނާ ފަރަގު ކުޑަކޮށްފި އެވެ.
Advertisement
އިޓާލިއަން ލީގުގައި ރޭ ރޯމާ އަތުން ޔުވެންޓަސް މޮޅުވީ އެއް ލަނޑު ސުން ލަނޑުންނެވެ. މި ނަތީޖާއާއެކު ދެ ވަނައިގައި އޮތް ޔުވެންޓަސް އަށް 18 މެޗުން ވަނީ 43 ޕޮއިންޓް ލިބިފަ އެވެ.
ލީގުގެ އެއް ވަނައިގައި އިންޓަ އޮތީ 18 މެޗުން 45 ޕޮއިންޓާ އެކު އެވެ. ތިން ވަނައިގައި އޮތް އޭސީ މިލާނުން ރޭ ވަނީ ސަސުއޯލޯ އަތުން 1-0 އިން މޮޅުވެފަ އެވެ. މިލާނަށް 18 މެޗުން ވަނީ 36 ޕޮއިންޓް ލިބިފަ އެވެ.
ރޭގެ މެޗުގައި ޔުވެންޓަސް އިން ހަމައެކަނި ލަނޑު ޖެހީ ދެ ވަނަ ހާފުގައި އެޑްރިއަން ރަބިއޯ އެވެ. ޔުވެންޓަސް އިން މި މެޗުގައި އިތުރު ލަނޑެއް ޖެހި ނަމަވެސް، ވީޑިއޯ އެސިސްޓަންޓް ރެފްރީ (ވީއޭއާރް) އިން ބެލުމަށް ފަހު މި ލަނޑު އޮފްސައިޑް ކަމަށް ނިންމިއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
