މިފަހުން ވެރިކަން ކުރާ ޕީއެންސީ އަށް ސޮއިކުރެއްވި ޝަރީފް ކުރެއްވި ޕޯސްޓެއްގައި ވިދާޅުވެފައިވަނީ ދާއިރާގެ ގިނަ ސަޕޯޓަރުންގެ އެދުމާއި ގުޅިގެން އަމިއްލަ ގޮތުން މަޖިލިސް އިންތިހާބުގައި ވާދަކުރެއްވުމާ މެދު ގޮތެއް ނިންމުމުގެ ކުރިން ސަޕޯޓަރުންނާއި އަދި ޕީއެންސީ އާއި ޕީޕީއެމްގެ ލީޑަޝިޕްގެ ބޭފުޅުންނާ އިތުރަށް މަޝްވަރާ ކުރާނެ ކަމަށެވެ.
ޝަރީފް ވިދާޅުވީ އަމިއްލަ ގޮތުން މަޖިލިސް އިންތިހާބުގައި ވާދަކުރެއްވިނަމަވެސް އަބަދުވެސް ޕީއެންސީ މެންބަރެއްގެ ގޮތުގައި ޕާޓީއާއެކު ހުންނާނެ ކަމަށެވެ.
ޝަރީފު އެމްޑީޕީ ދޫކޮށް ޕީއެންސީއާ ގުޅިވަޑައިގެންނެވީ ދާއިރާގައި ފަށާފައި ހުރި ތަރައްގީގެ މަޝްރޫއުތައް ކުރިއަށް ގެންދަން ފުރުސަތު ފަހިކުރުމުގެ ގޮތުން ކަމަށް ވިދާޅުވެ އެވެ.
އާދަމް ޝަރީފް ގެ އިތުރުން އިދިކޮޅު އެމްޑީޕީގެ 13 މެންބަރަކު މިފަހުން ވަނީ ޕީއެންސީ އަށް ގުޅިވަޑައިގަންނަވާފައި އެވެ.
ޕީއެންސީއަށް ސޮއިކުރެއްވި 13 މެމްބަރުންނަކީ:
- މަރަދޫ ދާއިރާ މެމްބަރު އިބްރާހީމް ޝަރީފު
- ފޭދޫ ދާއިރާ މެމްބަރު މުހައްމަދު ނިހާދު
- މައްޗަންގޯޅި ދެކުނު ދާއިރު މެމްބަރު އަހުމަދު ހައިތަމް
- އިސްދޫ ދާއިރާ މެމްބަރު އަލީ ހަމީދު
- ކަނޑިތީމު ދާއިރާ މެމްބަރު އަބްދުﷲ ޝަހީމް އަބްދުލް ހަކީމް
- ކުރެންދޫ ދާއިރާ މެމްބަރު އަބްދުލް ގަނީ އަބްދުލް ހަކީމް
- މަތިވެރި ދާއިރާ މެމްބަރު ހަސަން ޒަރީރު
- މުލަކު ދާއިރާ މެމްބަރު އިބްރާހީމް ނަސީމް
- ނިލަންދޫ ދާއިރާ މެމްބަރު އަބްދުލް މުހުސިން ހަމީދު
- މާފަންނު ދެކުނު ދާއިރާ މެމްބަރު އާދަމް އަލީ
- ކޮމަންޑޫ ދާއިރާ މެމްބަރު މުހައްމަދު ރާޝިދު
- ތޮއްޑޫ ދާއިރާ މެމްބަރު ހަސަން ޝިޔާން
- ގުރާދޫ ދާއިރާ މެމްބަރު އިބްރާހީމް ޝާޒް
