އާޒިމާ މިފަދައިން ވިދާޅުވީ ދައުލަތުގެ މީޑިއާ "ޕީއެސްއެމް"އިން ރޭ ކުރިއަށް ގެންދިޔަ "މޭޔަރު ބަހުސް 2024" ގައި ވާހަކަ ދައްކަވަމުންނެވެ.
އާޒިމާ ވިދާޅުވީ ރައްކާތެރިކަން ކަށަވަރު ކުރެވޭނީ ކްރިމިނަލް ޖަސްޓިސް އެނގޭ މީހަކަށް ކަމަށާއި އޭނާއަކީ އެކަން ދަންނަ މީހެއް ކަމަށެވެ.
މަސްތުވާތަކެތީގެ ވަބާގައި ޖެހިފައިވާ ޒުވާނުން ރެހިބިިލިޓޭޓް ކުރުމަށް ޓަކައި މިހާރު ދެވޭ ފަރުވާ "އިސްލާހު" ކުރަން ޖެހޭކަން ފާހަގަކުރައްވާ އޭނާ ވިދާޅުވީ ދިވެހިރާއްޖޭގެ ކުށުގެ ވެށި ޖިއޮގްރަފިކަލީވެސް ބަދަލުވާކަމަށާއި އެކުށްތަކުގެ މައްސަލަތައް ހައްލުކުރެވޭނީ ކުށުގެ ވެއްޓާއި އެއްގޮތަށް މައްސަލަތައް ހައްލުކުރަން މަސައްކަތް ކުރުމުން ކަމަށެވެ.
އާޒިމާ މިހެން ވިދާޅުވިއިރު އެއްވެސް ސަބަބަކާ ހުރެ ރާއްޖޭގައި މަރުގެ އަދަބު ތަންފީޒު ކުރުމަކީ ފެންނަ ކަމެއް ނޫން ކަމަށް ކުރީގެ ރައީސް މައުމޫން އަބްދުލްގައްޔޫމް މިއަދު ވަނީ ވިދާޅުވެފަ އެވެ.
އާޒިމާ އިތުރަށް ވިދާޅުވީ ބިދޭސީންގެ ވާހަކަ ދައްކާ އިރު، ދިވެހިން ކުށުގެ ވެއްޓަށް ވަންނަމުން ދަނީ ގޯތި ގެދޮރުގައި ހުރި މައްސަލަތަކުގެ ސަބަބުން ކަމަށެވެ. އަދި އޭނާގެ އަމާޒަކަށް ވާނީ ގާނޫނާއި ގަވައިދާ ހިލާފަށް ހިންގާ ކަންކަން ހުއްޓުވައި ކުށުގެ ވެށި ރަނގަޅު ކުރުން ކަމަށް އާޒިމާ ވިދާޅުވި އެވެ.
އާޒިމާ ކެމްޕެއިން ޖަލްސާގައި އިތުރަށް ވިދާޅުވީ، އާޒިމާ ހޮވައިގެން ރާއްޖޭގެ އެއްވެސް ރައްޔިތަކު ކުރަން ޖެހޭ ހިތާމައެއް ނޯންނާނެކަމަށެވެ. އަދި ތަފާތު ދައްކައި ރައްޔިތުންގެ އުންމީދުތަކުގައި ކުލަޖައްސައިދޭ ފަރާތަކަށް ވެވަޑައިގަންނާނެކަމަށް ވައުދުވެވަޑައިގެންނެވި އެވެ.
ރާއްޖޭގެ ވެރިކަމަށް ރައީސް ޑރ. މުއިއްޒު ހޮވިވަޑައިގަތީ މާލެ ސިޓީ މޭޔަރުކަމުގެ ތަޖުރިބާ ހޯއްދަވައިގެންކަމަށާއި، އެމަނިކުފާނު މަގުދައްކަވައިދެއްވަން ހުންނެވުމުން ޖެހިލުން ނުވާކަމަށް އާޒިމާ ވިދާޅުވެފައިވެ އެވެ.
