ސިދާންތް ސަޗްދެވް ޑައިރެކްޓްކުރާ މި ހޮރާ-ކޮމެޑީ ފިލްމް ތިއޭޓަރުތަކަށް ގެނެސްދޭން ހަމަޖެހިފައިވަނީ މި އޭޕްރިލް މަހުގެ 18 ވަނަ ދުވަހުގައެވެ. ދަތް މި ފިލްމުގައި އެކްޓްކުރުމުގެ އިތުރުން ދީޕަކް މުކުތް އާއެކު ޕްރޮޑިއުސްވެސް ކުރެއެވެ. ހުނަރު މުކުތް އަދި މާނަޔަތާ ދަތް ވަނީ ކޯ-ޕްރޮޑިއުސަރުންގެ ގޮތުގައި މަސައްކަތްކޮށްފައެވެ.
ޓްރެއިލާ ލޯންޗްކުރުމުގެ ހަފްލާގައި ފިލްމުގެ މުހިންމު ރޯލެއް އަދާކުރާ މައުނީ ރޯއި ވެސް ބައިވެރިވިއެވެ. މީގެ އިތުރުން ސަނީ ސިންގް، ޕަލަކް ތިވާރީ، އާސިފް ހާން، އަދި ބިޔޯނިކް ފަދަ ތަރިން މި ފިލްމުގައި އެކްޓްކުރެއެވެ. ސޯހަމް ރޮކްސްޓާ އެންޓަޓެއިންމަންޓް އަދި ތްރީ ޑައިމެންޝަން މޯޝަން ޕިކްޗަރސް ގެ ބެނަރުގެ ދަށުން ޕްރޮޑިއުސްކުރާ މި ފިލްމަކީ ބޮލީވުޑްގެ ހޮރާ-ކޮމެޑީ ގަނަރަށް އާ ތަޖުރިބާއެއް ގެނެސްދޭނެ ފިލްމެއް ކަމަށް ބެލެވެއެވެ.
ޓްރެއިލާގައި ދައްކާލާފައިވާ ގޮތުން، ސަންޖޭ ދަތް މި ފިލްމުގައި ގޯސްޓްބަސްޓަރެއްގެ ފަދަ ރޯލެއް އަދާކުރާއިރު، މައުނީ ރޯއި "މުހައްބަތް" ނަމަކަށް ކިޔާ ރޫހެއްގެ ރޯލެއް އަދާކުރެއެވެ. ޓްރެއިލާގައި ބިރުވެރި މަންޒަރުތަކާއި ހިނިއަރުވާ ކޮމެޑީ ސީންތައް ހިމަނާފައިވާކަން ފާހަގަކުރެވެއެވެ. ޓްރެއިލާ ލޯންޗްކުރުމުގެ ހަފްލާގައި ވާހަކަދެއްކި ސަންޖޭ ދަތް ބުނީ މި ފިލްމަކީ ފެރިގަންނަ ތަޖުރިބާއެއް ކަމަށާއި، މި ފިލްމަށް ވަރަށް ބޮޑަށް ޝައުގުވެރިވާ ކަމަށެވެ. 2025 ވަނަ އަހަރުގެ ބޮލީވުޑް ފިލްމުތަކުގެ ތެރޭގައި "ދަ ބޫތްނީ" އަށް ހާއްސަ މަގާމެއް ލިބޭނެކަމަށް ބެލެވެއެވެ.
