އެ ބަޔާނުގައި މަޓާޓޯއިން ބުނީ ރާއްޖޭގެ އިގްތިސާދަށް ލަކްސަދީޕުގެ ސަބަބުން އެއްވެސް ގެއްލުމެއް ކުރިމަތިނުވާނެ ކަމަށާއި މިކަމުގެ ސަބަބުން ރާއްޖޭގެ ފަތުރުވެރިކަމަށް އިތުރު ތަރައްގީއެއް ލިބިގެންދާނޭކަމަށް ކަމަށް މަޓާޓޯއިން ބުނެ އެވެ.
އެ ޖަމިއްޔާއިން ގަބޫލުކުރާ ގޮތުގައި އެކުވެރި ކަމުގެ ގުޅުމާއި، ވިޔަފާރީގެ އަދި ސަގާފީ މުއާމަލާތްތައް ކުރިއަށް ގެންދިއުމާއި، ރާއްޖެއާއި އަވަށްޓެރި ގައުމުތަކުގެ މެދުގައި ގުޅުން ބަދަހިކުރުމަކީ ކޮންމެހެން ބޭނުންތެރި ކަމެކެވެ. އެ ބާޔާނުގައި އިތުރަށް ވާގޮތުގައި އެ ޖަމިއްޔާއިން ގަބޫލުކުރާ ގޮތުގައި އެކުވެރި ކަމުގެ ގުޅުމާއި، ވިޔަފާރީގެ އަދި ސަގާފީ މުއާމަލާތްތައް ކުރިއަށް ގެންދިއުމާއި، ރާއްޖެއާއި އަވަށްޓެރި ގައުމުތަކުގެ މެދުގައި ގުޅުން ބަދަހިކުރުމަކީ ކޮންމެހެން ބޭނުންތެރި ކަމެއްކަމުގަ އެވެ.
އެ ޖަމީޔާއިން ބުނި ގޮތުގައި އިންޑިޔާއާ ގުޅޭ ގޮތުން ރާއްޖޭގެ ސޯޝަލް މީޑިއާގައި ދާދި ފަހުން ދެކެވުނު ބައެއް ނުރަނގަޅު ވާހަކަތަކަށް ރިއާޔަތްކޮށް، މަޓާޓޯ އިން ބާރު އަޅަނީ ދެކުނު އޭޝިއާގެ އަވަށްޓެރި ގައުމުތައް ހިމެނޭގޮތަށް ހުރިހާ ގައުމަކާއެކު ވެސް ރަނގަޅު ގުޅުމެއް ގާއިމުކުރުމަށްކަމުގަ އެވެ.
މަޓާޓޯއިން ބުނީ މި ދެ މަންޒިލުގެ މެދުގައި އޮންނަ ގުޅުމުގެ ސަބަބުން ދަތުރުވެރިންގެ މުޅި ޝައުގުވެރިކަން އިތުރުވެ، ސަގާފީ ގޮތުން މުއްސަނދި މި ސަރަހައްދު ދެނެގަތުމަށް އިތުރު ކްރޫޒްލައިނާތައް އައުމަށް ވެސް ހިތްވަރު ލިބިގެންދާނެ ކަމަށެވެ.
މަޓާޓޯއިން އިތުރަށް ބުނީ، ސަރުކާރުގެ މަތީ މަގާމުތަކުގައި ތިއްބެވި މުވައްޒަފުންތަކެއް އަވަށްޓެރި އިންޑިއާގެ ބޮޑުވަޒީރު ނަރެންދުރަ މޯދީއަށް ކުޑައިމީސްކުރާތީ އެކަން ކުށްވެރިކުރާ ކަމަށެވެ.
އެކްސްގައި ދިވެހި ސަރުކާރުގެ އޮފިޝަލުންނާއި އިންޑިއާގެ ބައެއް ރައްޔިތުންނާއި ޓްރޯލް އެކައުންޓްތަކުގެ މެދުގައި ހޫނު ބަހުގެ ހަމަލާތަކެއް އަންނަނީ ބަދަލުކުރަމުންނެވެ. މިިކަމެއް ފެށުނީ ލަކްޝަދީޕްގެ ޓޫރިޒަމް ޕްރޮމޯޓު ކުރުމަށް މޯދީ އާންމުކުރެއްވި ވީޑިއޯއަކާ އެކު އެވެ. މި މައްސަލާގައި އިންޑިއާގެ ބޮޑުވަޒީރު ނަރެންދުރަ މޯދީއަށް މަލާމާތްކުރި ތިން ނައިބު ވަޒީރަކު މިހާރު ވަނީ ސަސްޕެންޑުކޮށްފަ އެވެ.
- އިތުރަށް ކިޔާލަން: މޯދީ އަށް ބަދުބަސް ބުނި ތިން ޑެޕިއުޓީ މިނިސްޓަރުން ސަސްޕެންޑު ކޮށްފި
