ads
ލ. މާބައިދޫ ޕޮލިސް ޕޯސްޓް ހުޅުވައި ހިދުމަތް ދޭން ފަށައިފި
ލ. މާބައިދޫގައި ދިވެހި ފުލުހުންގެ ހިދުމަތުން ގާއިމްކުރި ޕޮލިސް ޕޯސްޓް ހުޅުވައި ހިދުމަތް ދޭން ފަށައިފި އެވެ.
Advertisement

ލ. މާބައިދޫ ޕޮލިސް ޕޯސްޓް ހުޅުވުމަށް ބޭއްވި ރަސްމިއްޔާތުގައި ޕޯސްޓް ހުޅުއްވައި ދެއްވީ ކޮމިޝަނާ އޮފް ޕޮލިސް އަލީ ޝުޖާއު އާއި މާބައިދޫ ކައުންސިލްގެ ރައީސް އިބްރާހިމް ވިޝާމެވެ.

ޕޮލިސް ޕޯސްޓް ހުޅުވުމުގެ ރަސްމިއްޔާތުގައި ލ. އަތޮޅު ކޮމާންޑާ އިންސްޕެކްޓާ އޮފް ޕޮލިސް އާއި، ފުލުހުންގެ އިސް ބައެއް އޮފިސަރުންނާއި، މާބައިދޫ ކައުންސިލް މެމްބަރުންގެ އިތުރުން އެ ރަށުގެ މުއައްސަސާތަކުގެ ވެރިން ބައިވެރިވެލެއްވި އެވެ.  

އެ ރަސްމިއްޔާތުގައި ސީޕީ އަލީ ޝުޖާއު ވިދާޅުވީ މާބައިދޫގައި ފުލުހުންގެ ހިދުމަތް ރަސްމީކޮށް ފެށިގެން ދިއުމާއެކު ރަށުގެ ރައްޔިތުންނާއި ފުލުހުން ގުޅިގެން ކުށުގެ ވެއްޓަށް ހުޅިވިފައިހުރި ދޮރުތައް ބަންދުކުރުމަށް މަސައްކަތް ކުރަމުން ދާނެކަމާމެދު ޝައްކު ނުކުރައްވާ ކަމަށެވެ.

ޝުޖާއު ވިދާޅުވީ ރާއްޖެއަކީ ހުޅުވިފައިވާ ގައުމަކަށްވުމާއި، އެހެން ގައުމުތަކާ އަޅާބަލާއިރު ކުށް ދައުރުވުން ހަލުވި ގައުމަކަށް ވީނަމަވެސް، ރައްޔިތުންނާ ފުލުހުންނާ ގުޅިގެން މަސައްކަތް ކޮށްފިނަމަ ކުށްމަދު އަމާން ގައުމަކަށް މިގައުމު ވެގެންދާނެ ކަމަށެވެ.

މީގެއިތުރުން މުޖުތަމައުގެ ދާހިލީ ސަލާމަތާއި ރައްކާތެރިކަމާއި، ޖިނާއީ ކުށްކުރުން ހުއްޓުވައި ތަހުގީގުކޮށް ގާނޫނު ތަންފީޒު ކުރުމަށް ބޭންވާ ބާރާއި އިހުތިޔާރު ލިބިފައިވާ ފުލުހުންގެ ހިދުމަތެއް ފޯރުކޮށްދިނުމަށްޓަކައި، މީހުން ދިރިއުޅޭ ކޮންމެ ރަށެއްގައިވެސް ފުލުހުން ހިދުމަތް މުހިންމު ކަމަށް ޝުޖާއު ވިދާޅުވި އެވެ.

މާބައިދޫ ޕޮލިސް ޕޯސްޓް ހުޅުއްވައި ދެއްވުމަށްފަހު، ސީޕީ ޝުޖާއު ވަނީ ޕޮލިސް ޕޯސްޓް ބައްލަވާލައްވާފަ އެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް