ވަޒީރުންގެ މަޖިލިހުގެ ނިންމެވުންތައް ހާމަކުރަން ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ އަބްދުﷲ ނާޒިމް ވިދާޅުވީ، ދިރާސީ އާ އަހަރު ސަރުކާރުގެ ސްކޫލް ތަކުގައި ދިވެހި ގައުމިއްޔަތު ކިޔަވައިދިނުމުގެ ޓައިމްލައިނާ އެއްގޮތަށް މަސައްކަތް ކުރިއަށް ގެންދިއުމަށް ވަޒީރުންގެ މަޖިލިހުން ނިންމާފައިވާ ކަމަށެވެ.
ނާޒިމް ވިދާޅުވީ، މި ނިންމުމުގެ މަގްސަދަކީ ދިވެހި ގައުމިއްޔަތުގެ ރުކުންތަކާއި އަގުތަކަށް އިސްކަންދީ ގައުމިއްޔަތަށް ލޯބިކުރާ އަދި ގައުމިއްޔަތުގެ ބަހާ ތަކަށް އަހުލުވެރިވެފައިވާ ޖީލެއް ބިނާ ކުރުން ކަމަށެވެ.
ދިވެހި ގައުމިއްޔަތު ކިޔަވައިދިނުމަށް ވަކި މާއްދާއެއް ގައުމީ މަންހަޖުގައި ހިމެނުމުގެ މަސައްކަތް ކުރިއަށް ގެންދިއުމަށް ނިންމާފައިވަނީ ރައީީސް އޮފީހުގެ މަޝްވަރާގެ ދަށުން ކަމަށް ނާޒިމް ވިދާޅުވި އެވެ.
