"ރައްޔިތުންނާ އެކު" މި ނަމުގައި ރައީސް ކުރިއަށްގެންދަވާ ޕޮޑްކާސްޓުގެ ދެވަނަ އެޕިސޯޑްގައި ވާހަކަ ދައްކަވަމުން ރައީސް މުއިއްޒު ވިދާޅުވީ ޒުވާނުން ދުންފަތުން ދުރުކުރުމަށް ބޭންޑެއް ކަނަޑައެޅުމަށް އެކަމުގެ ދިރާސާކޮށް ކަރުދާހެއް ތައްޔާރުކުރަން ހެލްތް މިނިސްޓަރާއި ހަވާލުކޮށްފައިވާކަމަށެވެ.
ރައީސް މުއިއްޒު ވިދާޅުވީ ޒުވާނުންނަށް ދުންފަތް މަނާކުރަން ބޭންޑެއް ކަނޑައަޅަން 3 ގޮތެއް މަޝްވަރާކުރައްވަމުން އަންނަކަމަށެވެ.
ސިނގިރޭޓް ބޭން ކަނޑައަޅަން ރައީސް ވިސްނަވާ 3 ގޮތް
- 2000 ވަނަ އަހަރުގެ ޖެނުއަރީން ފެށިގެން އުފަންވި ހުރިހާ ކުދިންނަށް މަނާކުރުން
- 2004 ވަނަ އަހަރުގެ ޖެނުއަރީން ފެށިގެން އުފަންވި ހުރިހާ ކުދިންނަށް މަނާކުރުން
- 2007 ވަނަ އަހަރުގެ ޖެނުއަރީން ފެށިގެން އުފަންވި ހުރިހާ ކުދިންނަށް މަނާކުރުން
ރައީސް މުއިއްޒު ވިދާޅުވީ މި ބޭން ކަނޑައެޅުމުން ކަނޑައަޅާ އަހަރުން ފެށިގެން އުފަންވި ކުދިންނަށް އުމަރަށްވެސް ދުންފަތުގެ އިސްތިއުމާލު ނުކުރެވޭނެކަމަށެވެ.
ރައީސް މުއިއްޒު ވިދާޅުވީ މިހާރު ވިސްނާފައިވާ ތިން ގޮތުގެ ތެރެއިން ކޮންމެވެސް އެއްގޮތަކަށް ފަންނީ ލެވެލްގައި މަޝްވަރާކުރައްވާފައި އޭގައި ހުރިި ކަންކަން ބަލާ ހަދާފައި ގާނޫނެއް އުފައްދައިގެން ކުރިޔަށް އޮތް ދުވަސްތަކުގެ ތެރޭގައި މަނާކުރައްވާނެ ކަމަށެވެ.
