މިނިސްޓްރީ އޮފް ހައުސިން، ލޭންޑް އެންޑް އާބަން ޑިވެލޮޕްމަންޓް އިން ގެޒެޓުގައި ކޮށްފައިވާ އިއުލާނު ގައިވާ ގޮތުން ސަރުކާރުގެ ފުރަތަމަ 14 ހަފްތާގެ މަގުޗާޓުގައި ހިމެނިފައިވާފަދައިން، ލޭންޑް ޔޫސް ޕްލޭން ފާސްކުރުމުގެ ހިދުމަތް ފަސޭހަކަމާއެކު ފޯރުކޮށްދިނުމަށްޓަކައި، ޓްރޭޑްނެޓް މޯލްޑިވްސް ކޯޕަރޭޝަން ލިމިޓެޑްއާއި އެ މިނިސްޓްރީ ގުޅިގެން "ވަންގަވް" ޕްލެޓްފޯމް މެދުވެރިކޮށް އެ ހިދުމަތް ފޯރުކޮށްދިނުމަށް ހަަޖެހިފައިވަކަމަށެވެ.
ވުމާއެކު، 16 ޖެނުއަރީ 2024 ވާ އަންގާރަ ދުވަހުން ފެށިގެން ލޭންޑް ޔޫސް ޕްލޭން ފާސްކުރުމަށް އަދި ބަދަލުގެނައުމަށް ހުށަހެޅޭނީ "ވަންގަވް" ޕްލެޓްފޯމް މެދުވެރިކޮށްކަމަށް މި މިނިސްޓްރީ ކުރި އިއުލާނުގައި ވެއެވެ.
"ވަންގަވް" މެދުވެރިކޮށް މި ހިދުމަތަށް އެދި ހުށަހެޅޭނީ ވަންގަވް ވެބްސައިޓް އަށް ޒިޔާރަތްކުރެއްވުމަށްފަހު، އީފާސްއިން ލޮގިންކުރައްވައިގެންކަމަށް އެ އިއުލާނެގައިވެއެވެ.
މި ހިދުމަތް ހޯއްދެވުމުގައި އިތުރު މައުލޫމާތެއް ނުވަތަ އެހީތެރިކަމެއް ބޭނުންވެއްޖެ ހިނދެއްގައި ވަންގަވް ސަޕޯޓް ސެންޓަރ ނަންބަރ 1500 ނުވަތަ މިނިސްޓްރީގެ ނަންބަރު 4004946، 4004950، 4004947 އާއި ގުޅުއްވުން އެދޭކަމަށް އެ އިއުލާނުގައިވެ އެވެ.
