އައިވަރީ ކޯސްޓުގައި ކުރިއަށްދާ މި މުބާރާތުގައި މޮރޮކޯ ރޭ މޮޅުވީ ޓެންޒަނިއާ އަތުން 3-0 ގެ ނަތީޖާއަކުންނެވެ. މިއީ، ވޯލްޑްކަޕްގެ ހަތަރުވަނަ މަގާމް ހޯދި މޮރޮކޯގެ މި މުބާރާތުގެ ފުރަތަމަ މެޗެވެ.
މޮރޮކޯއިން މެޗުގެ ލީޑު ނަގާފައިވަނީ މެޗުގެ 30 ވަނަ މިނެޓުގައި ރޮމައިން ސައީސް ޖެހި ލަނޑުންނެވެ. މިއީ މޮރޮކޯގެ ހަކީމް ޒިޔެޗް ހިލޭ ޖެހުމަކުން ފޮނުވާލި ބޯޅައެއް، ޓެންޒަނިއާގެ ގޯލްކީޕަރު އައިޝީ މަނޫލާ އަތުގައި ޖެހިފައި ނުކުތް ވަގުތު ރީބައުންސް ބޯޅައަކުން ސައީސް ޖެހި ލަނޑެކެވެ. މޮރޮކޯއިން ފަހު ދެ ލަނޑު ކާމިޔާބުކުރީ ފަހު 15 މިނިޓުގެ ތެރޭގައެވެ. އެއީ މެޗުގެ 77 ވަނަ މިނެޓުގައި އައްޒެދީން އޫނާހީ ޖެހި ލަނޑާ، އޭގެ އިރުކޮޅެއް ފަހުން އަޝްރަފް ހަކީމީ ތަނަވަސްކޮށްދިން ފުރުސަތެއްގައި ޔޫސެފް އެން-ނެސީރީ ޖެހި ލަނޑުންނެވެ.
މޮރޮކޯއިންވަނީ އެފްރިކާ ކަޕް އޮފް ނޭޝަންސް 1976 ވަނަ އަހަރު ކާމިޔާބު ކޮށްފައެވެ.
