މިދިޔަ ދައުރުގެ ހަތް ވަނައިގައި ނިންމާލި އަލް އިއްތިފާގު މިވަގުތު އޮތީ ތާވަލުގެ އަށް ވަނައިގައި އޮތީ އެއްވަނައިގައި އޮތް އަލް ހިލާލްއާ 28 ޕޮއިންޓް ފަހަތުންނެވެ.
ގާތްގަނޑަކަށް 15 މިލިއަން ޕައުންޑްގެ މުސާރައެއް ލިބޭ ދުނިޔޭގެ އެންމެ ރަނގަޅު މުސާރަ ލިބޭ އެއް މެނޭޖަރު ކަމަށް ރިޕޯޓްތައް ބުނާ ޖެރާޑް ނެރުނު ބަޔާނެއްގައި ބުނީ ކޮންޓްރެކްޓް އާކުރުމަކީ އޭނާއާ އޭނާގެ އާއިލާއަށް ވަރަށް ހިތްހަމަޖެހޭ ކަމެއް ކަމަށާއި ވަރަށް ބުރަ މަސައްކަތުގެ އަގުވަޒަން ކުރުމެއްގެ ގޮތުގައި އިހުސާސް ކުރެވޭ ކަމަށެވެ.
ޖެރާޑް 2016 ވަނަ އަހަރު ކުޅުން ހުއްޓާލިއިރު އޭނާގެ ފުރަތަމަ މެނޭޖަރު ރޯލަކީ ސްކޮޓްލޭންޑްގެ ކްލަބް ރޭންޖާސް އެވެ. އޭނާ ވަނީ 2018 ވަނަ އަހަރު އެ ޓީމާ ހަވާލުވެ، 2020-21 ވަނަ އަހަރު 10 އަހަރު ތެރޭގައި ފުރަތަމަ ފަހަރަށް ސްކޮޓިޝް ޕްރިމިއާ ލީގުގެ ޗެމްޕިއަންކަން ހޯދައިދީފަ އެވެ.
އޭގެ ފަހުން އިންގްލެންޑްގެ ކުރީގެ މިޑްފީލްޑަރު އެސްޓަން ވިލާގެ ކޯޗުކަން 2021 ވަނަ އަހަރުގެ ނޮވެމްބަރު މަހު ކުރި ނަމަވެސް އޭގެ އަހަރެއް ފަހުން ވަނީ ވަކިކޮށްފައެވެ.
