މިކަން ހާމަކޮށް ޖަނާހު ފޭސްބުކްގައި ކުރި ޕޯސްޓެއްގައި ވިދާޅުވެފައި ވަނީ މި މަގާމު ލިބިވަޑައިގަތުމަކީ ޝަރަފެއް ކަމަށާއި ޖަނާހް ވަނީ ޔޫއެންޑަބްލިއުޓީއޯގެ ސެކްރެޓަރީ ޖެނެރަލް ޒޫރަބް ޕޮލޮލިކަޝްވިލީއަށް ޝުކުރު އަދާ ކުރައްވާފަ އެވެ.
މި މަގާމު ޖަނާހް އާއި ހަވާލު ކޮށްފައިވަނީ 23 ޖެނުއަރީ 2024 ސްޕެއިންގެ މެޑްރިޑްގައި ކުރިއަށްދާ ފިތޫރު ފެއާގައެވެ.
މީގެ އިތުރުން ކުރެވެން އޮތް ހުރިހާ މަސައްކަތެއް ދުނިޔޭގެ ފެންވަރުގައި ކުރާނެކަމަށްވެސް ޖަނާހް ވަނީ ވިދާޅުވެފަ އެވެ.
ރައީސް ޑރ. މުހައްމަދު މުއިއްޒުގެ ޓްރޭޑް އެންޑް އިންވެސްޓްމަންޓް އެޑްވައިޒަރުގެ މަގާމުގައި ވެސް ހުންނެވި ޖަނާހަކި ރާއްޖޭގެ ކޮންސްޓްރަކްޝަނާއި ޓޫރިޒަމް އިންޑަސްޓްރީގައި ފުޅާދާއިރާއެއްގައި މަސައްކަތް ކުރައްވާ ބޭފުޅެވެ. އެގޮތުން އޭނަ އަކީ މޯލްޑިވްސް ނެޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީޒް (މަސީ)ގެ ރައީސް މެ އެވެ.
