ނަޝީދު "އެކްސްގަ"އި ކުރެއްވި ޕޯސްޓެއްގައި ވިދާޅޅުވީ، ކަޅުއޮށްފުންމިއަކީ އަނގަމަތި މަސްދޯންޏެއްގެ ގޮތުގައި ސިފަކޮށްފައިވަނީ އެއްވެސް އަސްލެއްގެ މައްޗަށް ބިނާކޮށް ނޫން ކަމަށެވެ.
ނަޝީދު ވިދާޅުވީ މަސްދޯންޏަކަށްވުރެ ކަޅުއޮއްފުންމިއަކީ ހަނގުރާމަވެރި ނަވެއް ކަމަށް ބެލެވޭ ކަމަށެވެ.
ނަޝީދު މިހެން ވިދާޅުވެފައިވާއިރު، ރާއްޖޭގައި ބަނދެފައިވާ ކަޅުއޮށްފުންމީގެ ނަކަލު އޮޑި ވެސް ފަރުމާ ކުރެވިފައި ވަނީ އިހުގެ މަސްދޯންޏެއްގެ ބައްޓަމަށެވެ. އަދި އުތީމު ތަކުރުފާނު ޖިހާދަށް ނުކުންނެވީ އަނގަމަތި މަސްދޯނި ގަނޑެއްގައި ކަމަށް ބުނާ ވާހަކަތަކެއް ވެސް ތާރީހުގެ ފޮތްތަކުގައިވެ އެވެ.
ކަޅުއޮއްފުންމި
ކަޅުއޮށްފުންމިއަކީ މީލާދުން 1558 ވަނަ އަހަރު ރާއްޖޭގައި ރަސްކަންކުރެއްވި އަލިރަސްގެފާނު ޝަހީދުކޮށްލުމަށް ފަހު، ޕޯޗުގީޒުން ރާއްޖެ އަޅުވެތިކުރުމުން އެ މީހުންގެ އަތުން ރާއްޖެ މިނިވަންކުރެއްވުމަށްޓަކައި އުތީމު މަހާރަދުން ބެންނެވި އޮޑިކޮޅެވެ.
ރާއްޖޭގެ ތާރީހާއި ގުޅިފައިވާ އޮޑި، ކަޅުއޮށްފުންމީގެ ނަކަލު ރޭ ވަނީ މާލެ ގެނެސްފަ އެވެ. އަދި ކަޅުވަކަރު މިސްކިތް ކައިރީ ބަހައްޓައި އާންމުންނަށް ޒިޔާރަތްކުރެވޭނެހެން ހުޅުވައިލުގެ މަސައްކަތް، ދިވެހި ސަގާފަތާއި ތަރިކަ އާއި ބެހޭ މިނިސްޓްރީން ވަނީ ފަށައިފަ އެވެ.
