ސްޕޯޓްސް މިނިސްޓަރު މިހެން ވިދާޅުވީ އާމުން ވަޒީރުންނާ ސުވާލުކުރުމަށް ރޭ ބޭއްވި "އަހާ" ފޯރަމްގައި ވާހަކަދައްކަވަމުންނެވެ.
މިނިސްޓަރު ރާފިއު ވިދާޅުވި ގޮތުގައި މި ދެ ކޮމްޕްލެކްސްގެ ޑިޒައިން މަސައްކަތް މިހާރު ނިމިފައިވާ ކަމަށާއި މިތަނުން އެއް ކޮމްޕްލެކްސް ހުޅުމާލޭގައި އަޅާނެކަމަށެވެ. މިތަނުގައި ނުކުޅެދޭ މީހުންނަށް ފަސޭހައިން އެތަންތަނަށް ވަދެ ނިކުމެ ހެދޭ ގޮތް ހަދާނެކަމަށާއި ހާއްސަކޮށް ވީލްޗެއާގައި ވަންނަން ބޭނުންވާ މީހުންނަށް ފަސޭހަވާނެ ގޮތް ބަލާނެ ކަމަށްވެސް މިނިސްޓަރު ވިދާޅުވެފައިވެ އެވެ.
މީގެ އިތުރުން މިނިސްޓަރު ވިދާޅުވީ ޕެރަ އެތުލީޓުންނަށް ހާއްސަ ކުޅިވަރު މުބާރާތެއް ބާއްވަން އެކަމާ ގުޅުން ހުރި އެސޯސިއޭޝަނަކުން ހުށަހަޅައިފިނަމަ އެކަމަށް ސްޕޯޓްސް މިނިސްޓްރީން އެހީވާނެ ކަމުގެ ޔަގީންކަންވެސް ވަނީ ދެއްވާފަ އެވެ.
މި އިންޑޯ ދެ ކޮމްޕްލެކްސްގެެ ބިންގާ އެޅުމަށް ތައްޔާރުވަމުންދަނީ ފެބްރުއަރީ 20 ވަނަ ދުވަހުގެ ކުރިން އެޅުމަށެވެ. ކުޅިވަރު ކުޅުމަށް ދެ ކޮމްޕްލެކްސް އެޅުމަކީ ހަފްތާ 14 ގައި ހިމެނޭ ކަމެކެވެ.
