އެ މަގާމަށް އައްޔަން ކުރެއްވިކަން މުހުތާޒު ޔަގީން ކޮށްދެއްވި އެވެ. އޭނާ ވިދާޅުވީ އެ މަގާމާ އެކު، ރައީސް އޮފީހުގައި މަސައްކަތް ކުރައްވާނީ ޖިނާއީ އަދުލުގެ ނިޒާމާ ގުޅޭ ކަންކަމުގައި ރައީސް މުއިއްޒަށް ލަފާ އެރުވުމަށް ކަމަށެވެ.
ރައީސްގެ ކްރިމިނަލް ޖަސްޓިސް އެޑްވައިޒަރަކަށް މުހުތާޒް އައްޔަންކުރި އިރު، މާޗް މަހު މަޖިލިސް އިންތިހާބުގައި ވާދަކުރައްވަން އޭނަ ނިންމެވި އެވެ. އެކަމަކު ދާއިރާ އަށް ދަނގެތީ ދާއިރާއަށް ޕްރައިމަރީގައި ވާދަކޮށްގެން ކުރިމަތިލައްވަން ޖެހިވަޑައިގަތީ ނާކާމިޔާބީއާ އެވެ.
މުހުތާޒަށް ލިބިވަޑައިގަތީ 185 ވޯޓެވެ. އެ ދާއިރާގެ ޓިކެޓު 246 ވޯޓާ އެކު ކާމިޔާބު ކުރެއްވީ އަބްދުﷲ ރަޝީދު، ބަގީޗާގެ، އދ. ދަނގެތި އެވެ.
ރައީސް އޮފީހުގައި މިހާރު ޖުމްލަ ހަތަރު އެޑްވައިޒަރުން އެބަތިއްބެވެ. އެއީ މުހުތާޒްގެ އިތުރުން ރައީސް މުއިއްޒުގެ ސްޕެޝަލް އެޑްވައިޒަރު އަބްދުއްރަހީމް އަބްދުﷲ (އަދުރޭ) އާއި ޓްރޭޑް އެންޑް އިންވެސްޓްމަންޓުގެ ޕްރިންސިޕަލް އެޑްވައިޒަރު ޓު ދަ ޕްރެޒިޑެންޓު މުހައްމަދު އަލީ ޖަނާހު (ޖަނާ) ގެ އިތުރުން ޓޫރިޒަމް ޑިވެލޮޕްމަންޓް އެޑްވައިޒަރު މުހައްމަދު ހަލީލެވެ.
