ވެލާނާ އިންޓަރނޭޝަލް އެއަރޕޯޓްގެ އައު ޓާމިނަލް އަޅަން ސައުދީގެ ބިން ލާދިން ގްރޫޕާއި ހަވާލުކުރީ 2016 ވަނަ އަހަރު ރައީސް ޔާމީންގެ ސަރުކާރުގައެވެ. 7 މިލިއަން މީހުންނަށް އެއްފަހަރާ ހިދުމަތްދެވޭ މި ޓާމިނަލްގެ މަސައްކަތް މިދިޔަ 5 އަހަރު ދުވަހުގެ ތެރޭގައި މާބޮޑު ކުރިއެރުމެއް އައިސްފައެއް ނުވެއެވެ. އެހެންނަމަވެސް މިދިޔަ ސަރުކާރުން ވަނީ ޓާމިނަލްގެ ޑިޒައިން ދިވެހިވަންތަ ޑިޒައިނަކަށް ބަދަލުކޮށް އެ މަސައްކަތް ކުރިޔަށް ގެންގޮސްފައެވެ.
މި މަޝްރޫއު މަސައްކަތް އަވަހަށް ނިންމުމަކީ ރައީސް ޑރ. މުހައްމަދު މުއިއްޒުގެ އަމާޒަކެވެ.
ވެރިކަމާއި ހަވާލުވެޑައިގަތުމަށްފަހު ރައީސް މުއިއްޒު ވިދާޅުވީ އެމަނިކުފާނުގެ އަމާޒަކީ މިއަހަރުގެ ފަހު ކުއަޓަރ ސެޕްޓެމްބަރު މަހުގެ ތެރޭގައި އެއާޕޯޓްގެ އާއްމުކޮށް ހުޅުވާ ބޭނުންކުރެވޭ ހިދުމަތްދޭން ފެށުމެވެ.
އައު މަޝްރޫއު ދަށުން ކާގޯ ޓާމިނަލް 100.000 މެޓްރިކް ޓަނުން 300،000 ޓަނަށް އިތުރުކުރެވޭނެއެވެ. އަދި މަތިން ދާބޯޓް ޕާކިން ޖާގަބޮޑުވެ 34 ފްލައިޓުން 74 ފްލައިޓަށް އިތުރުވެގެންދާނެކަމަށެވެ. އަދި މަޝްރޫއު ނިމިގެންދާއިރު އެއާޕޯޓްގައި އިތުރު 1000 ވަޒީފާ އުފެދިގެންދާނެކަމަށްވެސް އެމްއޭސީއެލުން ބުނެއެވެ.