އިސްލާމީ ފަތުވާދޭ އެންމެ މަތީ މަޖިލީހުން މިއަދު ނެރުނު ފަތުވާގައި ބުނީ ޑޮކްޓަރުގެ ފަރުވާކަމުން، ނުވަތަ އެހެން މީހަކު ކުޅަ ޢަމަލެއްގެ ސަބަބުން، މާބަނޑު އަންހެނެއްގެ ބަނޑުގައިވާ ދަރި މަރުވެއްޖެ ނަމަ ނުވަތަ އެފަދަ އަމަލެއްގެ ސަބަބުން، މާބަނޑު އަންހެނާގެ ބަނޑުގައިވާ ދަރި ވެއްޓުނުއިރު މަރުވެފައިވާނަމަ ދިޔަ ދިނުމަށްފަހު ކައްފާރާ ދޭންޖެހޭ ކަމަށެވެ.
އިސްލާމީ ޝަރީއަތުގައި އޮންނަނީ އެކަން ކުޅަމީހާ އެކުއްޖާގެ ވާރުތަވެރިންނަށް ޣުއްރާއެއްގެ މިންވަރު ދިޔައިގެ ގޮތުގައި ދިނުމާއި، ކައްފާރާދިނުން ކަމަށް ފަތުވާ މަޖިލީހުން ނެރުނު ފަތުވާގައިވެއެވެ.
ކައްފާރާއަކީ، މުއުމިން އަޅަކު މިނިވަންކުރުމެވެ. މިނިވަންކުރާނޭ މުއުމިނަކު ނުލިބިއްޖެ ނަމަ، ވިދިވިދިގެން ހަނދުމަހުގެ ދެ މަސް ދުވަހު ރޯދަހިފުމެވެ. ފަތުވާ ކޮމިޓީން ބުނި، މި ހުކުމް ސާބިތުވަނީ "އައްނިސާ" ސޫރަތުގެ 92 ވަނަ އާޔަތުން ކަމަށްވެސް ފަތުވާ މަޖިލީހުން ބުނެއެވެ.
