ޑިރެކްޓާ ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ނެރުއްވި އެންގުމުގައި ބުނެފައި ވަނީ މިރޭ 12:00 އިން ފެށިގެން ވަކި ގޮތެއް އަންގަންދެން މާލެ ސަރަހައްދުގެ ޖިމްތަކާއި، ކަސްރަތު ކުލާސްތައް ބަންދުކުރަން ޖެހޭނެ ކަމަށެވެ.
"މާލެ، ހުޅުމާލެ އަދި ވިލިމާލޭގައި ހިންގާ ޖިމްތަކާއި، ކަސްރަތު ކުލާސްތަކާއި، އެ ނޫންވެސް އެފަދަ ކުލާސްތަކާއި، ގްރޫޕް ކަސްރަތު ހަރަކާތްތައް ހިންގުން ވަގުތީ ގޮތުން މެދުކަނޑާލުން،" އެ އެންގުމުގައި ވެއެވެ.
ރާއްޖޭގައި އާންމު ސިއްހަތުގެ ކުއްލި ނުރައްކަލުގެ ހާލަތު އިއުލާންކޮށް ޑިރެކްޓާ ޖެނަރަލް އޮފް ޕަބްލިކް ހެލްތަށް ލިބިފައިވާ ބާރުގެ ދަށުން އަންނަނީ ގިނަ ފިޔަވަޅުތަކެއް އަޅަމުންނެވެ.
އެގޮތުން ޖިމްތައް ބަންދުކުރަން މިއަދު އަންގާފައި ވާއިރު، މާލޭގައި ޖިމް ހިންގާ ފަރާތްތަކުން މީގެ ކުރިން އަމިއްލައަށް އިސްނަގައިގެން ވަނީ އެ ތަންތަން ބަންދުކުރަން ނިންމާފަ އެވެ.
