ޖުމްލަ 11 ޑިރެކްޓަރުން ހިމެނޭ ބީއެމްއެލްގެ ޑިރެކްޓަރުންގެ ބޯޑުގެ އަށް މެމްބަރުން އައްޔަންކުރަނީ ސަރުކާރުންނެވެ. އަދި ބާކީ ތިން ޑިރެކްޓަރުންނަކީ އާއްމު ހިއްސާދާރުންގެ ފަރާތުން ހޮވާ ތިން ފަރާތެވެ.
ބީއެމްއެލްގެ އާއްމު ހިއްސާދާރުން ތަމްސީލު ކުރަން ހޮވާ އެ މަގާމަށް، އާއްމު ހިއްސާދާރުންގެ ތެރެއިން އުމުރުން 30-70 އަހަރުގެ މީހުންނަށް ކުރިމަތިލެވޭނެ އެވެ.
އާންމު ހިއްސާދާރުން ހޮވާ ޑިރެކްޓަރުންގެ މަގާމަށް ކުރިމަތިލުމުގެ ފުރުސަތު މާޗު 17 ވަނަ ދުވަހުގެ މެންދުރު 2:00 ގެ ނިޔަލަށް ހަމަވާނެ އެވެ.
އެ މަގާމަށް ކުރިމަތިލުމަށް އެދޭ ފޯމު ބީއެމްއެލްގެ ވެބްސައިޓު މެދުވެރިކޮށް ޑައުންލޯޑު ކުރެވޭނެ އެވެ. އަދި މަގާމަށް ކުރިމަތިލުމަށް ޝަރުތު ހަމަވާ މީހުން ފޯމާއި ލިޔެކިޔުން ހުށަހަޅާނި ބީއެމްއެލްގެ ހެޑް އޮފީހުގެ ހަ ވަނަ ފްލޯ ނުވަތަ ބޭންކުގެ ސެކްރެޓަރު އީމެއިލް އެޑްރެހަށެވެ.
އާންމު ހިއްސާދާރުން ހޮވާ ޑިރެކްޓަރު ކަމަށް ކުރިމަތިލާ ހިއްސާދާރުންގެ ތެރެއިން ޝަރުތު ހަމަވާ ފަރާތްތަކުގެ މެތެރެއިން ތިން ޑިރެކަޓަރަކު ހޮވާނީ މި އަހަރު އޮންނަ ބޭންކުގެ އަހަރީ އާއްމު ޖަލްސާގަ އެވެ.
