2026 ވަނަ އަހަރުގެ ވޯލްޑްކަޕް ފުޓްބޯޅަ މުބާރާތް ބާއްވަން ނިންމާފައިވަނީ އެމެރިކާއާއި، ކެނެޑާ އަދި މެކްސިކޯގައެވެ. 2026 ވަނަ އަހަރުގެ ޖުލައި މަހުގެ 11 ވަނަ ދުވަހު، މުބާރާތުގެ ފައިނަލް މެޗު ނިއުޔޯކްގެ ނިއުޖާޒީގެ މެޓްލައިފް ސްޓޭޑިއަމްގައި ބާއްވަން ފީފާއިންވަނީ ނިންމާފައެވެ.
48 ގައުމުން ވާދަކުރާ މުބާރާތުގެ ފައިނަލް މެޗު ކުޅުމަށް ހަމަ ޖައްސާފައިވާ ނިއުޖާޒީގެ މެޓްލައިފް ސްޓޭޑިއަމްއަކީ، 82،500 މީހުންގެ ޖާގައިގެ ސްޓޭޑިއަމްއެކެވެ.
ދުނިޔޭގެ އެންމެ މަގުބޫލު ކުޅިވަރު އިވެންޓް އެމެރިކާ، ކެނެޑާ އަދި މެކްސިކޯގެ 16 ސިޓީއެއްގައި ބާއްވަން ނިންމާފައިވާއިރު މުބާރާތް ހުޅުވާ މެޗު ކުޅޭނީ މެކްސިކޯގައި ޖޫން 11 ވަނަ ދުވަހުއެވެ. އެ މެޗު ކުޅޭނީ މެކްސިކޯ ސިޓީގެ އެސްޓޭޑިއޯ އަޒްޓެކާގައއެވެ.
ކެނެޑާގައި މި މުބާރާތުގެ ޖުމްލަ 13 މެޗު ކުޅޭނެއެވެ. އެ މެޗުތައް ކުޅޭނީ ޓޮރޮންޓޯ އާއި ވެންކޫވާގައެވެ. މެކްސިކޯގައިވެސް ޖުމްލަ 13 މެޗު ކުޅޭނެއެވެ. ބާކީ މެޗުތައް ކުޅޭނީ އެމެރިކާގައެވެ.
