މިހާރު ރައީސް ޑރ. މުހައްމަދު މުއިއްޒު ތ. އަތޮޅު ރަށްތަކަށް ކުރައްވާ ދަތުރުފުޅުގައި، އެމަނިކުފާނު އަރިހުގަައި އެ އަތޮޅު މަޑިފުށީގައި ވާހަކަދައްކަވަމުން ފޮރިން މިނިސްޓަރު ވިދާޅުވީ، ރިޔާސީ އިންތިހާބުގައި ޑރ. މުއިއްޒު ކެމްޕެއިން ކުރެއްވި އިރު ރާއްޖޭގެ މިނިވަންކަން އޮތީ "ވަރަށް އުދަގޫ ހިސާބެއްގައި" ކަމަށެެވެ.
އެގޮތުން ރާއްޖޭގެ މިނިވަންކަމާއި އިސްތިގްލާން ގެންނަން ޖެހޭކަން އެންމެން ގަބޫލްކުރިކަމަށް ވިދާޅުވިއެވެ.
ޒަމީރު ވިދާޅުވީ ރައީސް މުއިއްޒުގެ ސަރުކާރުން ކުރެއްވި މަސައްކަތުން 2016 އިން ފެށިގެން ރާއްޖޭގެ ވެރިކަން ފަރާތްތަކާއި ޑިޕޮލޮމޭޓުން ކުރެއްވި މަސައްކަތުން ނުލިބޭހާ ކާމިޔާބީތައް ލިބިފައިވާކަމަށެވެ.
ޑިޕްލޮމެޓިކް ދާއިރާގައި ދޭދޭ ގައުމުތަކުގެ ގުޅުމުގެ ގޮތުން ރާއްޖެ އޮތީ ވަރަަށް ކުރީގައިކަމަށް ވިދާޅުވި އެވެ.
"އަޅުގަނޑު މި ދަންނަވަން އުޅޭ ވާހަކައަކީ އަޅުގަނޑުމެންނަށް މިހާރު ރާއްޖޭގެ މި މިނިވަންކަމަކީ އަޅުގަނޑުމެން އަމިއްލައަށް، އަޅުގަނޑުމެންނަށް އެ މިނިވަންކަން ދެމެހެއްޓޭނެ ގައުމެއް ގޮތުގައި ރައްްޔިތުންނާއި، އަދި މުޅި ދުނިޔެއަށް ދައްކަވައިފިއޭ." ޒަމީރު ވިދާޅުވި އެވެ.
24 ގަޑިއިރު ރާއްޖޭގެ ސަރަހައްދު ބަލެހެއްޓުމުގެ ވިސްނުން، މީގެ ކުރިން ރާއްޖޭގެ ވެރިކަން ކުރެއްވި އެއްވެސް ވެރިއެއްގެ ނުގެންގުޅުއްވާކަމަށާއި، އަބަދުވެސް އެކަމަށް އެހެން ބަޔަކަށް ބަރޯސާވެގެން އުޅެން ޖެހުނުނަމަވެސް ރައީސް މުއިއްޒުގެ ދުރުވިސްނުފުޅާއެކު އެކަން ބަދަލުވެގެން ގޮަސްފިކަމަށް ޒަަމީރު ވިދާޅުވިއެވެ.
