ރައްޔިތުން މަޖލީހުގެ މިއަދުގެ ޖަލްސާގައި މަޖލީހުގެ ރައީސް ވަނީ މަޖިލީހުގައި ޕާޓީތަކުގެ މެމްބަރުންނަށް އައި ބަދަލު އިއުލާންކުރައްވާފައެވެ. މި ބަދަލު އަނެއްކާވެސް މި އައީ މަރަދޫ ދާއިރާގެ މެމްބަރު އިބްރާހިމް ޝަރީފާއި އިނގުރައިދޫ ދާއިރާގެ މެމްބަރު ހަސަން އަހްމަދު ޕާޓީ ބަދަލުވިކަމުގެ ލިޔުންތައް ލިބުމުންކަމަށް އަސްލަމް ވިދާޅުވިއެވެ. 

މަޖިލީހުގައި މިހާރު މެމްބަރުން ބެހިފައިވާ ގޮތް 

• އެމްޑީޕީ 42 މެމްބަރުން 
• ޕީއެންސީ 16 މެމްބަރުން 
• ދި ޑިމޮކްރެޓްސް 13 މެމްބަރުން 
• ޕީޕީއެމް 2 މެމްބަރުން 
• އެމްޑީއޭ 2 މެމްބަރުން 
• ޖޭޕީ 2 މެމްބަރުން 
• އަމިއްލަ މެމްބަރުން 3 

މި ބަދަލާއި އެކު މަޖިލީހުގެ ދާއިމީ ކޮމެޓީގެ މެމްބަރުން ތަމްސީލުކުރާ ގޮތަށްވެސް ބަދަލު އަންނާނެއެވެ. މަޖިލީހުގެ ރައީސް ވިދާޅުވީ ކޮމެޓީތަަށް މެމްބަރުން ހޮވުމުން މިއަދު ވޯޓްގަޑީގައި އޮންނާނެކަމަށެވެ. އަދި ކޮމެޓީތަކުގައި ހިމަނާ މެމްބަރުންގެ ނަންތައް މިއަދު 12:00 ގެ ކުރިން ފޮނުވާދިނުމަށް މަޖިލީހުގެ ރިޔާސަތުން ޕާޓީތަކުގައި ވަނީ އެދިފައެވެ. 

އަސްލަމް ވިދާޅުވީ ނަންތައް ނުފޮނުވާގެން މިއަދު ކޮމެޓީތަކަށް މެމްބަރުން އައްޔަން ނުކުރެވުނުމަވެސް ކޮމެޓީތައް ހުއްޓާނުލާ ކޮމެޓީގެ މަސައްކަތްތައް ކުރިޔަށް ގެންދަވާނެކަމަށްވެސް އަސްލަމް ވިދާޅުވިއެވެ.