ރައީސް ޑރ. މުއިއްޒު މިހެން ވިދާޅުވީ ވޭމަންޑޫ ކައުންސިލާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީއާ ބައްދަލުކުރައްވަމުން ނެވެ.
ބައްދަލުކުރެއްވުމުގައި ކައުންސިލްގެ ފަރާތުން ވަނީ ރަށަށް ބޭނުންވެފައިވާ ކަންތައްތަކާއި، ރަށުގެ ރައްޔިތުންނަށް ކުރިމަތިލާންޖެހިފައިވާ ބައެއް ގޮންޖެހުންތަކާއި، ވޭމަންޑޫގެ ތަރައްގީއަށް ބޭނުންވާ ކަންކަން ރައީސުލްޖުމްހޫރިއްޔާއާ ހިއްސާކުރައްވާފަ އެވެ.
އެގޮތުން ރަށުގެ ޒުވާނުންނަށް ކުޅިވަރާއި ކަސްރަތަށް ބޭނުންވާ ބައެއް ކަންކަން ތަފުސީލީ ގޮތެއްގައި ފާހަގަ ކުރައްވައެވެ.
އަދި ވޭމަންޑޫގެ ބަނދަރުގެ ޖާގައިގެ ދަތިކަން ހުރިކަމާއި، ޕޮލިސް ސްޓޭޝަން ހެދުމުގެ މަޝްރޫއު ކުރިއަށް ނުދިއުމާއި، ރަށުގެ ކުނީގެ މައްސަލަ ހައްލުކުރުމަށް ބޭނުންވާ ކަމުގައިވެސް ކައުންސިލްގެ ފަރާތުން ފާހަގަކުރި އެވެ.
އަދި ކައުންސިލުންވަނީ ވޭމަންޑޫގެ މަސްވެރިންނަށް ލުއިފަސޭހަ ގޮތްތަކެއް ހޯދުމަށްޓަކައި އައިސް ޕްލާންޓެއް ގާއިމުކޮށްދެއްވުމަށް އެދިފަ އެވެ.
މި ބައްދަލުކުރެއްވުމުގައި ވޭމަންޑޫ އަންހެނުންގެ ތަރައްގީއަށް މަސައްކަތްކުރާ ކޮމިޓީން ވެސް ވަނީ ބައެއް ކަންބޮޑުވުންތައް ފާހަގަކޮށްފަ އެވެ.
އެގޮތުން ރަށުގައި ކުޑަކުދިންގެ ޕާކެއް ނެތުމާއި، ކަނބަލުންނަށް ރަށުގައި ކުޅިވަރުކުޅެވޭނެ ފުރުސަތު ހަނިވުމާއި، ކައުންސިލް އިދާރާގެ ޖާގައިގެ ދަތިކަން ހުރިކަން ފާހަގަކޮށްފަވެ އެވެ.
އަދި ކޮމިޓީގެ ބަޖެޓު ކުޑަވުމުގެ ސަބަބުން ކުރިމަތިވާ ގޮންޖެހުންތައްވެސް މި ބައްދަލުވުމުގައި މި ކޮމިޓީން ފާހަގަކުރިއެވެ.
ކައުންސިލުން ފާހަގަކުރި ކަންކަމާ ގުޅޭގޮތުން ރައީސުލްޖުމްހޫރިއްޔާ ވިދާޅުވީ، ރަށުގެ ރައްޔިތުންނަށް ބޭނުންވެފައިވާ ކަންކަން ސަރުކާރުގެ ކަމާ ގުޅުން ހުރި މުއައްސަސާތަކާ ގުޅިގެން ކުރިއަށް ގެންދެވުމަށް މަސައްކަތް ކޮށްދެއްވާނެ ކަމަށެވެ.
އަދި ކައުންސިލުން ފާހަގަކުރި ކަންކަން ހައްލު ކުރުމަށް ކުރެވެން ހުރި ކަންކަން ބައްލަވާނެ ކަމުގައިވެސް އެމަނިކުފާނު ވިދާޅުވިއެވެ.
