ކުޑަހެންވޭރު - ވިކްޓްރީ މެޗުގެ ތެރެއިން
ފަނިވި މެޗު ދެން ކުޅެން ކުޑަހެންވޭރު ބޭނުމެއް ނުވި
ސްޕޯޓްސް ޓީމް
08 ފެބްރުއަރީ 2024 - 19:38:38
ދެވަނަ ޑިވިޝަން ފުޓްބޯޅަ މުބާރާތުގެ ކުއާޓާ ފައިނަލުގައި އިއްޔެ ހަމަނުޖެހުން ހިންގައިގެން ފުރިހަމަ ނުކުރެވުނު މެޗުގެ ބާކީބައި ކުޅެން ކުޑަހެންވޭރުން ބޭނުން ނުވުމުން، ވިކްޓަރީއަށް ސެމީ ފައިނަލުގެ ޖާގަ ކަށަވަރުވެއްޖެ އެވެ.
ވިކްޓްރީއާ ކުޑަ ހެންވޭރުގެ މެޗު އިއްޔެ ހުއްޓާލީ ދަނޑު ބޭރުން ބަޔަކު ދަނޑަށް އަރައި މާރާމާރީ ހިންގައި މެޗު ކުރިއަށް ގެންދެވޭނެ ހާލަތެއް ނެތުމުންނެވެ. އެކަމާ ގުޅިގެން މުބާރާތުގެ އިމަޖެންސީ ކޮމިޓީން ނިންމީ، 82 ވަނަ މިނެޓްގައި ހުއްޓާލި މެޗުގެ ފަހު އަށް މިނެޓް މާދަމާ ހަވީރު ކުޅުމަށެވެ. އެކަމަކު އޭގެ ފަހުން ކުޑަހެންވޭރުން ވަނީ މެޗު ކުޅެން ބޭނުން ނުވާކަން ހާމަކޮށް އެފްއޭއެމް އަށް ސިޓީއެއް ފޮނުވާފައި އެވެ.
އެ ސިޓީއާ ގުޅިގެން އެފްއޭއެމުން ނިންމީ، މެޗު ހުއްޓާލި އިރު އޮތް ނަތީޖާ ކަމަށްވާ 3-1 ން ވިކްޓަރީ މޮޅުވެފައިވާ ކަމަށެވެ. އެހެންކަމުން ވިކްޓްރީއަށް ސެމީ ފައިނަލުން ފުރުސަތު ލިބުނީއެވެ. ސެމީގައި ވިކްޓްރީ ކުޅޭނީ ޒަމާންވީ ވާދަވެރިޔާ ނިއުރޭޑިއަންޓާއެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
