ރައީސް މިފަދައިން މިފަދައިން ވިދާޅުވެފައި ވަނީ ރައީސް ތ އަތޮޅަށް ކުރެއްވި ދަތުރުފުޅުގައި ތ.ކިނބިދޫ، ނަރުގިސްވިލާ، ޢާއިޝަތު ވަސީލާ ކުރި ސުވާލަކަށް ޖަވާބުދެއްވަމުންނެވެ.
ރައީސް ވިދާޅުވީ ރަށުގައި ތިބެގެން އެގާރަ ބާރަ އާއި ހަމައަށް ކިޔެވޭ ގޮތްވުމަކީ ވަރަށް މުހިންމު ކަމެއް ކަމަށާއި މިވަގުތު ކިނބިދޫގައި އެ ފުރުސަތުތައް ފަހިވެފައި ނެތް ކަމަށެވެ.
މީގެ އިތުރު އެހެން ގޮތްގޮތް ވެސް ވިސްނާނެ ކަމަށާއި އަދި އެކަމުގެ ސަބަބުން ޔުނިވާސިޓީގެ ކެންޕަސް ގާއިމް ކުރަން ވިޔަސް ނޫނީ އެފަދަ ޔުނިވާސިޓީ ތައުލީމުގެ ފުރުސަތުތައް އެއްފަސްވެގެން އާބާދީ ބޮޑުވުމުން އެހެނިހެން ރަށްރަށުގެ މީހުން އަންނާނެ ކަމަށާއި އެކަހަލަ ގޮތަކަށް އެކަންކަން ކުރީމާ ރަނގަޅުވާނެ ކަމަށާއި އެކަމަށް ހާއްސަ ސަމާލުކަމެއް ދެއްވާނެކަަމަށް ރައީސް ވިދާޅުވިއެވެ.
ރައީސްގެ މި ދަތުރުފުޅުގައި ތ. އަތޮޅުގައި މިއަހަރުގެ ތެރޭގައި ރިސޯޓެއް ތަރައްގީ ކުރައްވާނެކަމަށް ވެސް ވިދާޅުވެފައިވެއެވެ.
