އެމަނިކުފާނު ޤައުމާ މުހާތަބު ކުރައްވާނީ މިއަދު ހެނދުނު 10:00 ގައެވެ.
ކޮންމެ އަހަރެއްގެވެސް ޝައުބާންމަހުގެ 1 ވަނަދުވަސް ފާހަގަކުރަމުން އަންނަނީ ޝަހީދުންގެ ދުވަހުގެ ގޮތުގައެވެ. މިދުވަސް ފާހަގަކުރަނީ ދިވެހި ޤައުމާއި މިނިވަންކަންމުގެ ދިފާއުގައި ހަނގުރާމަކުރައްވަނިކޮށް އައްސުލްޠާން ޢަލީ 6 ވަނަ ސިރީ އައުދަ ސިޔާކަ ކައްތިރި ބަވަނަ މަހާރަދުން ނުވަތަ އަލިރަސްގެފާނު ޝަހީދުވެދައިގެން ދުވަހަށް ނިސްބަތްކޮށެވެ.
އަލި ރަސްގެފާނު ޝަހީދުވެޑައިގަތީ ހިޖްރައިން 965 ވަނަ އަހަރުގެ ޝައުބާން މަހުގެ އެއްވަނަދުވަހުއެވެ. އެ ރަސްގެފާނު ޝަހީދުވެޑައިގަތީ ޕޯޗްގީޒުންގެ އަތްދަށުން ރާއްޖެ ސަލާމަތްކުރަން ކުރެއްވި ޖިހާދުގައެވެ. ޝަހީދުވެޑައިގެން ވެއްޓުނީ މާލޭގެެ ހުޅަނގުފަރާތުގެ އަތިރިމައްޗެށެވެ. މިހާރު އަލި ރަސްގެފާނު ޒިޔާރަތް ހުރި ތަނަކީ އެ ރަސްގެފާނު ޝަހީދުވެޑައިގެން ވެއްޓުނު ތަނުގައެވެ.
އަލި ރަސްގެފާނުގެ ޒިޔާރަތް 1950ގައި ހުރިގޮތް
ކޮންމެ އަހަރެއްގެ ޝައުބާން މަހުގެ އެއްވަނަ ދުވަސް ހާއްސަކުރަނީ އަލި ރަސްގެފާނުގެ އިތުރުން މާތްވެގެންވާ އިސްލާމް ދީނާއި ދިވެހިންގެ މިނިވަންކަމުގައަި ދިފާއުގައި ޖިހާދުވި ގައުމީ ބަތަުންގެ ޒިކުރާތައް އައުކުރުމުގެ މަގުސަދުގައެވެ.
