ރައީސް މިހެން ވިދާޅުވީ "ރައީސްގެ ޖަވާބު"ގެ ދަށުން އާންމު މީހަކު ކުރި ސުވާލަކަށް ޖަވާބު ދެއްވަމުންނެވެ.
ތ. މަޑިފުށީ ތަރިވިދާގޭ އަހްމަދު އިބްރާހީމް ސުވާލު ކޮށްފައިވަނީ މާލެ ފަޅުތެރޭގައި ހުންނަ ފައްތިޔާ ދޯނިތައް ނަގަން އަންގާތީ، އެ އުޅަނދުފަހަރު ނަގައިގެން ގެންދާނެ ތަނަކާމެދު އެވެ.
އެ ސުވާލަށް ޖަވާބު ދެއްވަމުން ރައީސް ވިދާޅުވީ، މަޑިފުއްޓަކީ އޮޑިދޯނިފަހަރު ދުއްވާ ވަރަށް ގިނަ ފަރާތްތައް އުޅޭ ރަށެއް ކަމުން، އެ ރަށުގެ ވަރަށް ގިނަ ފަރާތްތަކުން މާލޭގައި ދޯނިފަހަރު ގެންގުޅޭ ކަމަށެވެ.
ރައީސް ވިދާޅުވީ މާލޭގެ ފަޅުތެރޭގައި އަޅާފައި ހުންނަ އެފަދަ ދޯނިތައް ނަގައިގެން ގެންގޮސް އަޅާނެ އެހެން ޖާގައެއް ނުދައްކާ އެ އުޅަނދުތައް ނަގާކަށް ނާންގާނެ ކަމަށެވެ.
މާލެ ސިޓީ ކައުންސިލާ މަޝްވަރާ ކުރައްވައިގެން ފަޅުތެރޭގައި މަސައްކަތް ކުރެވޭނެ ގޮތަށް ހައްދަވައިދެއްވާނެ ކަމަށް ރައީސް ވިދާޅުވި އެވެ. އަދި އުޅަނދުތައް އެހެން ތާކަށް ބަދަލު ކުރާނަމަ އެކަން ކުރާނީ ކުރިއާލާ އޮޑިވެރި ފަރާތަށް ވެސް އަންގައިގެން ކަމަށް ރައީސް ވިދާޅުވި އެވެ.
