ޖާބިރުގެ ފޯމް ކޮމިޝަނާއި ހަވާލުކުރީ އޭނާގެ ދެ ބޭފުޅުންކަމަށްވާ އައިމިނަތު ޖާބިރާއި މުހައްމަދު ޖާބިރެވެ.
އެމްޑީޕީން ޕްރައިމެރީން ކާށިދޫ ދާއިރާގެ ޓިކެޓް ލިބުނީ މިހާރުވެސް އެދާއިރާ ތަމްސީލުކުރައްވާ އަބްދުﷲ ޖާބިރަށެވެ. އެހެންނަމަވެސް އަނގަ ހަޑިވެ ބޭ އަދަބީ ބަހުރުވައިން މުޢާމަލާތްކޮށް މަސްލަހަތު ގެއްލޭގޮތަށް ތަކުރާރުކޮށް އަމަލުކުރަމުންދާތީ އެ މައްސަލަ ބެލުމަށްފަހު ޖާބިރު އެމްޑީޕީން ވަނީ ވަކިކޮށްފައެވެ. އެހެންވެ ޖާބިރަށް ވަނީ ޕާޓީގެ ޓިކެޓް ގެއްލިފައެވެ.
ޖާބިރުގެ ބަދަލުގެ ކާށިދޫ ދާއިރާގެ ޓިކެޓް އެމްޑީޕީން މިދިޔަ ސަރުކާރުގައި ރައީސް އޮފީހުގެ އަންޑާ ސެކެރެޓަރީއެއްގެ ގޮތުން މަސައްކަތް ކުރައްވާފައިވާ އަބްދުﷲ ނަސީރުއަށެވެ. އޭނާ ވަނީ މިދިޔަ ސަރުކާރުގައި ހައްޖު ކޯޕަރޭޝަންގެ ބޯޑުގެ ޗެއާމަންކަންވެސް ކުރައްވާފައެވެ.
ޖާބިރުގެ ދަރިކަލުން އަހްމަދު މުއާޒުވެސް އެމްޑީޕީ ޓިކެޓްގައި އަންނަ މަޖިލީހަށް ވާދަކުރެއެވެ. އޭނާ ނުކުތީ އދ. މަހިބަދޫ ދާއިރާއަށެވެ.
