ރައީސް މިފަދައިން ވިދާޅުވީ ހިޔާ ފްލެޓް ލިބޭނެކަމުގެ ލިޔުން މީގެ ކުރީން ލިބިފައިވާ ފަރާތްތަކަށް ފްލެޓް ލިބޭނެތޯ ގދ. ގައްދޫ މާފެހި، މުހައްމަދު ޝުހައިލް، ދެންނެވި ސުވާލަށް ޖަވާބު ދެއްވަމުންނެވެ.
ސަރުކާރުން ހިންގާ ރައީސްގެ ޖަވާބު ޕްރޮގަރާމުގައި، ހިޔާ ފްލެޓް ލިބޭނެކަމުގެ ލިޔުން މީގެ ކުރީން ލިބިފައިވާ ފަރާތްތަކަށް ފްލެޓް ލިބޭނެތޯ ގދ. ގައްދޫ މާފެހި، މުހައްމަދު ޝުހައިލް، ދެންނެވި ސުވާލަށް ޖަވާބު ދެއްވަމުން ރައީސް ވިދާޅުވީ ރައީސް ޔާމީންގެ ސަރުކާރުގައި ހިޔާ މަޝްރޫޢުގެ ދަށުން ފްލެޓްލިބިފައިވާ ބައެއް ފަރާތްތަކަށް އޭރުގެ ހައުސިންގ މިނިސްޓްރީން ލިޔުން ދީފައިވީނަމަވެސް ނިމިދިޔަ ސަރުކާރުން ވަނީ އޭގެތެރެއިން ގިނަބައެއްގެ ފްލެޓް ނުދީ ހިފަހައްޓާފައިކަމަށާއި އޭރު އެލިޔުން ލިބިފައިވާ ހުރިހާ ފަރާތްތަކަށް ފްލެޓް ލިބޭނެ ކަމުގެ ޔަޤީންކަން ދެއްވާ ކަމަށެވެ.
ހިޔާ ފްލެޓް
ރައީސަށް ރައްޔިތުންގެ ފަރާތުން ހުށަހަޅުއްވާ ސުވާލުތަކަށް ކޮންމެ ދުވަހަކުވެސް ވަގުތު ލިބިވަޑައިގަތް ވަރަކުން އެމަނިކުފާނު ޖަވާބުދެއްވަމުން ގެންދަވާނެކަމަށާއި ވީޑިއޯ މެދުވެރިކޮށް ރައްޔިތުން ކުރާ ސުވާލަށް ދެއްވާ ޖަވާބު، ރައީސުލްޖުމްހޫރިއްޔާގެ އޮފީހުގެ ރަސްމީ މީސްމީޑިއާ މަންސަތަކުން ކޮންމެ ދުވަހަކުވެސް އާންމުކޮށް ހިއްސާކުރަމުން ގެންދާނެ ކަމަށް ރައީސް އޮފީހުން ބުނެ އެވެ.
