މަޝްރޫޢުގެ ޢަމަލީ މަސައްކަތް ފެށުމުގެ ގޮތުން މަގުމަތީގައި އަޅަން ފަށާފައި އޮތް ހޮޅިއެއްގެ މައްޗަށް ވެލިއަޅުއްވައި ދެއްވައި މަސައްކަތް އަމަލީ ގޮތުން ފަށްޓަވައިދެއްވަނީ

މި މަޝްރޫއުގެ ދަށުން ފުވައްމުލަކުގެ ކުދި  50 މަގެއްގައި ތާރު އަޅާ ގޮތަށް ނިންމާފައިވާއިރު، މިއީ 12.7 ކިލޯ މީޓާރުގެ ސަރަހައްދެކެވެ. ރަށުގެ ބޮޑެތި 31 މަގެއްގައިވަނީ މަގުތައް ހެދުމުގެ ފުރަތަމަ ފިޔަވަހީގެ ދަށުން ތާރު އަޅައިފައެވެ. މިއީ 95،000 އަކަ މީޓަރަށްވުރެ ބޮޑު ސަރަހައްދެކެވެ.

އެމްޓީސީސީން ކުރިއަށް ގެންދާ މި މަޝްރޫއުގެ އަމަލީ މަސައްކަތް ފެށިފައި ވަނީ 2020 ވަނަ އަހަރުގެ ފަހުކޮޅުގައެވެ. އެގޮތުން މަގުތައް ހެދުމުގެ ފުރަތަމަ ފިޔަވައްސަކީ 331 މިލިއަން ރުފިޔާގެ މަޝްރޫއެކެވެ. ހަމައެހެންމެ، މަޝްރޫއުގެ ދެ ވަނަ ފިޔަވަހީގެ މަސައްކަތް ދެ އަހަރުގެ ތެރޭގައި ނިންމާ ގޮތަށް 255.2 މިލިއަން ރުފިޔާގެ ބަޖެޓަކާއެކު، މިދިޔަ އަހަރުގެ ޖުލައި މަހުގެ ތެރޭގައި އެމްޓީސީއާ ވަނީ ހަވާލުކޮށްފައެވެ.

މިއީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ހަފްތާ14 ގެ ޕްލޭނުގެ ދަށުން ފެއްޓެވި މަސައްކަތެކެވެ.