ރާއްޖޭގެ ލާމަރުކަޒީ ނިޒާމަށް 13 އަހަރު ފުރުމުގެ މުނާސަބަތުގައި ގައުމާ މުހާތަބުކޮށް ވާހަކަ ދައްކަވަމުން ރައީސް ވިދާޅުވީ މިކަން މިގޮތަށް ވެގެން ދިއުމަކީ ރައްޔިތުންގެ ބަސް ސަރުކާރަށް އިވުމަށް ކޮށިގެން ދިޔަ މަގެއް ކަމަށް ރައީސް ވިދާޅުވި އެވެ.
ރަށުފެންވަރުގައި އަދި ސިޓީ ފެންވަރުގައި ދެވޭ ހިދުމަތްތަކަކީ ރައްޔިތުން ބޭނުންވާ ގޮތަށް ތަރުތީބުކޮށްފައިވާ ހިދުމަތްތަކަކަށްވުމަކީ ވަރަށް މުހިންމު ކަމެއް ކަމަށާއި ލާމަރުކަޒީ ނިޒާމުގެ ދަށުން ކައުންސިލްތަކަށް ދެވިފައިވާ ބާރުތައް އޭގެ އެންމެ ފުރިހަމަ ގޮތުގައި ދެވިފައިވާ ކަމަށް ކަށަވަރު ކުރުމަކީ ސަރުކާރުގެ ވަރަށް މުހިންމު ސިޔާސަތެއް ކަމަށް ރައީސް ވިދާޅުވި އެވެ.
ލޯކަލް ކައުންސިލްތަކުގެ އެންމެ މުހިންމު އެއް މަސްއޫލިއްޔަތަކީ ސަރުކާރުގެ އިދާރާތަކާއި ގުޅިގެން ރައްޔިތުންނައް ބޭނުންވާ އެންމެ މުހިންމު ހިދުމަތްތައް ހަމަހަމަ ކަމާއި އެކު ފޯރު ކޮށްދިންކަމަށާއި މި ގޮތަށް މިކަން ބައްޓަން ކުރުމަށް ކައުންސިލްތަކުން ނިންމާ ނިންމުތަކުގައި ރައްޔިތުންގެ ބައިވެރިވުން އިތުރުކޮށްގެން ކަމަށް ރައީސް ވިދާޅުވި އެވެ.
ރައީސް ވިދާޅުވީ ކައުންސިލްތައް ބާރުވެރި ކުރުމަށް ބޭނުންވާ ނަމަ ހުރިހާ ވުޒާރާތަކުންވެސް ކައުންސިލްތައް ބޭނުންވާ މުހިންމު މައުލޫމާތު ދީ އެ ކައުންސިލްތަކާއި ގުޅިންހުރި ކަންކަމުގައި ގޮތް ނިންމާ އިރު އެ ކައުސިލްގެ ބައިވެރިވުން އިތުރުކުރަން ޖެހޭ ކަމަށެވެ.
ހުރިހާ ކައުންސިލްތަކެއް ވަނީ ސަރުކާރުގެ ހުރިހާ އިދާރާތަކަކާއި އެއް ވިއުގައަކުން ގުޅިފައި ކަމަށް އެމަނިކުފާނު ފާހަގަ ކުރެއްވި އެވެ.
ލާމަރުކަޒީ ނިޒާމު އެންމެ ފުރިހަމަ ގޮތުގައި ކުރިޔަށް ގެންދިޔުމަށް ސަރުކާރުން ކުރަން ޖެހޭ ކަންތައް ދަނީ ކުރަމުން ކަމަށް ރައީސް ވިދާޅުވި އެވެ.
