ސިވިލް ރައިޓްސް އޮފީހަށް ހުށަހެޅުނީ އެންމެ 39 މައްސަލަ
އަހުމަދު ހަސަން
26 ފެބްރުއަރީ 2024 - 16:15:18
އޮފީސް ފޯ ސިވިލް ރައިޓްސްއަށް މިހާތަނަށް ހުށަހެޅީ 39 ޝަކުވާ ކަމަށް އެޓާނީ ޖެނެރަލްގެ އޮފީހުން ބުނެފި އެވެ.
Advertisement
އޮފީސް ފޯ ސިވިލް ރައިޓްސްއަކީ ރައްޔިތުންނަށް ލިބެންޖެހޭ މަދަނީ ހައްގުތައް ލިބިދެވޭކަން ކަށަވަރު ކުރުމަށް ރައީސް ޑރ. މުހައްމަދު މުއިއްޒު އުފެއްދެވި އޮފީހެކެވެ. އޮފީސް ފޯ ސިވިލް ރައިޓްސް އުފެއްދީ ރައީސް މުއިއްޒު ހުވާ ކުރެއްވި ދުވަހުއެވެ. އަދި އެ އޮފީހަށް ޝަކުވާ ހުށަހެޅުމުގެ ނިޒާމެއް ވެރިކަމުގެ ފުރަތަމަ ހަފްތާގައި ގާއިމް ކުރިއެވެ.
އެ އޮފީހުގެ މަސައްކަތްތަކުގެ އަދާހަމައެއް ހޯދަން ސުވާލުކުރުމުން އޭޖީ އޮފީހުގެ މީޑިއާ އޮފިޝަލު ވިދާޅުވީ، މިހާތަނަށް ސިވިލް ރައިޓްސް އޮފީހަށް ހުށަހެޅީ 39 މައްސަލަ ކަމަށެވެ. އިތުރު ތަފުސީލެއް ނުދެ އެވެ.
ސިވިލް ރައިޓްސް އޮފީހުގެ މަސްއޫލިއްޔަތަކީ މަދަނީ ހައްގުތައް ލިބޭކަން ކަށަވަރު ކުރުމާއި ހައްގުތައް ދިނުމުގައި ގެންގުޅޭ ތަފާތު ކުރުމުގެ މައްސަލަތައް ބެލުމާއި މަދަނީ ހައްގުތައް ހިފަހައްޓާ ކަމަށް ބުނާ މައްސަލަތައް ބެލުމެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
