ރައީސް މިހެން ވިދާޅުވީ ހދ. މަކުނުދޫ، އިފާސާ އަހްމަދު ކުރި ސުވާލަކަށް "ރައީސްގެ ޖަވާބު" ޕްރޮގްރާމް ތެރެއިން ޖަވާބު ދެއްވަމުންނެެވެ. އިފާސާގެ ސުވާލަކަށްވީ އެކަހެރިކޮށް އޮތް މަކުނުދޫ އެއާޕޯޓުގެ މަސައްކަތް ނިމި ދަތުުރުފަތުރުގެ ދަތިތަކަށް ހައްލެއް ލިބޭނީ ކޮން އިރަކުތޯ އެވެ.
އެ ސުވާލަށް ޖަވާބު ދެއްވަމުން ރައީސް ވިދާޅުވީ މިހާރު ކުރިއަށްދާ މަކުނުދޫ އެއާޕޯޓުގެ މަސައްކަތައް ސަރުކާރުން ވަރަށް ބޮޑަށް އިސްކަންދޭ ކަމަށެވެ. އަދި އެ މަސައްކަތް ބައްޓަން ކުރާނީ ރަށުގެ ރައްޔިތުންގެ އެދުމާ އެއްގޮތަށް ކަމަށް ރައީސް ވިދާޅުވި އެވެ. އެގޮތުން 15،00 މީޓަރަށް ހަދަން ހަމަޖެހިފައި އޮތް ރަންވޭ މިހާރު 18،00 މީޓަރަށް ދިގުކުރުމަށް ހަމަޖައްސާފައިވާކަން ވެސް ރައީސް ފާހަގަކުރެއްވި އެވެ.
ރައީސް ވިދާޅުވީ މަކުނުދޫ އެއާޕޯޓުގެ މަސައްކަތް ވަރަށް ބާރު ދުވެލީގައި ކުރިއަށްދާ ކަމަށާއި، މި އަހަރުގެ ތެރޭގައި އެ އެއާޕޯޓު ހުޅުވުމުގެ މަސައްކަތް ކުރައްވަމުންދާ ކަމަށެވެ.
