ހދ. މަކުނުދޫގެ ރައްޔިތުންނާއި ބައްދަލުކުރައްވާ ވާހަކަ ދައްކަވަމުން ރައީސް އިއްޔެ ވިދާޅުވީ ސްކޫލުތަކުގެ ކްލާސް ރޫމްތަކަށް ހޫނުވާ މައްސަލަ އަކީ ވަރަށް ގިނައިން ދިމާވާ މައްސަލައެއް ކަމަށެވެ.
އެކަންކަން ހައްލުކުރުމަށް އެޑިއުކޭޝަން މިނިސްޓްރީއާއި ވާހަކަ ދެކެވިފައިވާ ކަމަށާއި އޭސީ ހަރުކޮށްގެން ނުވަތަ "ފިނިކުރެވޭނެ ކޮންމެވެސް ކަހަލަ ނިޒާމަކުން" ކްލާސްރޫމްތައް ފިނިކުރުމަށް ވަނީ މަޝްވަރާ ކުރައްވާފައި ކަމަށް ރައީސް ވިދާޅުވި އެވެ.
ރައީސް ވިދާޅުވީ ސްކޫލްތައް އޭސީ ކުރުމުގެ މަސައްކަތުގައި އަމިއްލަ ވިޔަފާރިވެރިން ބައިވެރިވާން ބޭނުންވާ ނަމަ އެކަމަށް ސަރުކާރުން މަރުހަބާ ކިޔާނޭ ކަމަށް ރައީސް ވިދާޅުވި އެވެ.
ކްލާސްރޫމްތައް އޭސީ ކުރުމަށާއި ބިލުދައްކަން އިތުރު ހަރަދުތަކެއް ދާނެ ކަމަށާއި ނަމަވެސް އެ މަސައްކަތް ސަރުކާރުން ކުރާނެ ކަމުގެ ޔަގީންކަން ރައީސް ދެއްވި އެވެ.
