މައްސަލަތައް ލަސްވުމުގެ ޝަކުވާ ވަރަށް ބޮޑު
އަހުމަދު ހަސަން
28 ފެބްރުއަރީ 2024 - 10:18:29
ޝަރީއަތުގައި ހިނގަމުންދާ މައްސަލަތައް ލަސްވުމުގެ ޝަކުވާއަކީ، ޖުޑިޝަލް ސަރވިސް ކޮމިޝަނަށް އެންމެ ހުށަހެޅޭ ޝަކުވާކަމަށް ޖުޑިޝަލް ސަރވިސް ކޮމިޝަންގެ ރައީސް ހިސާން ހުސެއިން ވިދާޅުވެއްޖެ އެވެ.
Advertisement
ޖޭއެސްސީގެ ރައީސް ހިސާން ވިދާޅުވީ ފަނޑިޔާރުން އަބަދުވެސް މަސައްކަތް ކުރައްވަންވާނީ ކޯޓުތަކަށް ހުށައެޅޭ މައްސަލަތައް ވީ އެންމެ އަވަހަކަށް ނިންމާ، އިންސާފު ޤާއިމުކޮށްދިނުމަށްކަމަށެވެ. އަދި ހިސާން ވަނީ ކޯޓަށް ދެއްވަންޖެހޭ ފުރިހަމަ ވަގުތާއި އަހަންމިއްޔަތުކަން ކޯޓުތަކަށް ދެއްވުމަށް، އަލަށް ހުވާކުރެއްވި ފަނޑިޔާރުންނަށް ނަސޭޙަތްތެރިވެވަޑައިގަންނަވާފައެވެ.
"ތަނެއް ކުރިއަރައި ދިޔުމުގައި އެތަނެއްގައި ޢަދުލުއިންސާފު ޤާއިމުވެފައި އޮތުމަކީ ކޮންމެހެން ކުރަންޖެހޭކަމެއް. އެކަމަށްޓަކައި މައްސަލަތައް އަވަހަށް ބަލައި އިންސާފަށް ވާޞިލުވާންޖެހޭ. ކޮމިޝަނަށް ހުށައެޅޭ އެންމެ ބޮޑު ޝަކުވާއަކީ ކޯޓަށް ހުށައެޅޭ މައްސަލަތައް ލަސްވެގެން ދިޔުމުގެ ޝަކުވާ." ހިސާން ވިދާޅުވި އެވެ.
މައްސަލަތައް ލަސްވުމުގެ ޝަކުވާ އަބަދުވެސް ބޮޑުވެފައިވާއިރު، ކޯޓުތަކަށް ދިމާވެފައިވާ ޖާގައިގެ ދަތިކަމާ އެހެނިހެން ވަސީލަތްތަކުގެ ދަތިކަމުން ގިނަ މައްސަލަތަކެއް ލަސްވެއެވެ. މިހާރުވެސް ކްރިމިނަލް ކޯޓުގެ އިމާރާތް ބާވެ، މަސައްކަތް ކުރުމަށް ދަތިވެފައިވާތީ ކޮންމެ ދުވަހަކުވެސް ހިންގެނީ މަދު އަދަދެއްގެ ޝަރީއަތްތަކެކެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
