އެއާ އެމްބިއުލާންސް އޮޕަރޭޓްކުރުމަށް ހޯދަން ޖެހޭ ހުއްދަ ހޯދުމުގައި ހޭދަވާ ވަގުތު ކުޑަކުރީ މިދިޔަ މަހުގެ ފަހުކޮޅު ޓްރާންސްޕޯޓު އެންޑް ސިވިލް އޭވިއޭޝަން މިނިސްޓަރު މުހައްމަދު އަމީން، އެ ގައުމަށް ކުރެއްވި ދަތުރުގައި ލަންކާ ސަރުކާރާ އެކު ކުރި މަޝްވަރާގަ އެވެ.
ރައީސް އޮފީހުން މިއަދު ބުނީ، މިދިޔަ މަހުގެ 29 އިން 30 އަށް އަމީން ކުރެއްވި ދަތުރުފުޅުގައި ކުރެއްވި މަޝްވަރާތަކަށް ފަހުގައި ރާއްޖެއިން ލަންކާއަށް އެއާ އެމްބިއުލާންސް އަދި އެ ނޫން ވެސް އެމަޖެންސީ ފްލައިޓުތައް އޮޕަރޭޓުކުރަން ބޭނުންވާ އެންމެހައި ހުއްދައެއް ގިނަވެގެން ދެ ގަޑިއިރު ތެރޭގައި ހަމަޖައްސަން އެއްބަސްބވެފައިވާ ކަމަށެވެ.
އިމަޖެންސީ ހާލަތްތަކުގައި އިތުރު ފަރުވާއަށް ރާއްޖެއިން ބޭރަށް ބަލިމީހުން ގެންދިއުން އަވަސް ކޮށް ދިނުމަށް ރައީސް ޑރ. މުހައްމަދު މުއިއްޒުގެ އިރުޝާދާއެކު އިދާރާތަކުން މަސައްކަތް ފަށާފައި ވެއެވެ.
އެއާ އެންބިއުލާންސްގެ ހިދުމަތް ތައާރަފު ކުރުމާއި ފުޅާ ކުރުމަކީ ރައީސް މުއިއްޒުގެ ވައުދެކެވެ. އަންނަ މާޗް މަހުގެ އެއްވަނަ ދުވަހު އެ ހިދުމަތް ތައާރަފު ކުރާނެ އެވެ.
