އެޕޯލޯއިން ތަރައްގީ ކުރަމުންގެންދާ 9 އެޕާޓްމަންޓް ކޮމްޕްލެކްސްއަށް ބޭނުންވާ 46 ލިފްޓް ސަޕްލައިކޮށް އިންސްޓޯލް ކުރުމުގެ މަސައްކަތް އެސްޓީއޯއާއި ހަވާލުކުރުމުގެ އެއްބަސްވުމެއްގައި މިއަދު ވަނީ ސޮއިކޮށްފަ އެވެ.
މި އެއްބަސްވުމުގެ ދަށުން، އެޕޯލޯއިން ތަރައްގީ ކުރާ ފުރަތަމަ ދެ ޓަވަރަށް މި އަހަރު ތެރޭގައި ލިފްޓު ސަޕްލައި ކޮށް، އިންސްޓޯލް ކުރުމަށް ވަނީ ހަމަޖެހިފަ އެވެ. އަދި ކޮންމެ ޓަވަރެއްގައި މަދުވެގެން ފަސް ލިފްޓް ހަރުކުރަން ޖެހޭއިރު، ހަރުކުރުމަށް ނިންމާފައިވަނީ "ކޯނޭ" ބްރޭންޑްގެ ލިފްޓެވެ.
އެސްޓީއޯއިން ޓަވަރު ތަކުގައި ހަރުކުރާ މި ޒަމާނީ ލިފްޓުތައް ވެގެން ދާނީ ޓެކްނޮލޮޖީގެ ގޮތުން އެންމެ ކުރިއަރާފައިވާ ފީޗާތައް ހިމެނިގެންދާނެ ލިފްޓް ތަކަށެވެ.
އެޕޯލޯ ކުންފުނިން ހުޅުމާލޭގައި ތަރައްގީ ކުރަމުންގެންދާ އެޕާޓްމަންޓް ކޮމްޕްލެކްސް
މިހާރު ރާއްޖޭގައި އެންމެ ނަން މަޝްހޫރު ބްރޭންޑް ކަމަށްވާ ކޯނޭގެ ރާއްޖޭގެ ޑިސްޓްރިބިއުޓަރަކީ އެސްޓީއޯ އެވެ. މީގެކުރިން ވެސް އެސްޓީއޯއިން ރާއްޖޭގެ ރިއަލް އެސްޓޭޓް މާކެޓުގައި ހިމެނޭ ބޮޑެތި ޕްރޮޖެކްޓް ތަކެއްގައި ކޯނޭ ލިފްޓު ހަރުކޮށްދީފައި ވާކަން ފާހަގަކޮށްލެވެ އެވެ.
ކޯނޭ އަކީ "މެޝިންރޫމްލެސް" ލިފްޓް ދުނިޔެއަށް ތައާރަފް ކުރީ ބްރޭންޑެވެ.
