ކަޅުއޮށްފުންމި އަލަށް ބަންނަވައިގެން އޭގެ ރިޔާ ފެއްސެވުމަށް ޖެއްސެވި ކަޑައިން ހއ. ބާރަށުގައި ހެދި ބޮޑުވި ކަމަށް ބުނާ، 400 އަށް ވުރެ ގިނަ އަހަރުވީ ކާނި ގަސް ރޭގެ ވަގުތެއްގައި ބަޔަކު ރޯކޮށްލުން ކުށްވެރި ކުރާކަމަށް އެ ސެންޓަރުން ބުނެ އެވެ.
އެ ސެންޓަރުން ނެރުން ނޫސް ބަޔާނުގައިވާ ގޮތުން އެ މައްސަލަ އެ މަރުކަޒުގެ ސަމާލުކަމަށް އައި ވަގުތުން ފެށިގެން ބާރަށު ކައުންސިލާއި ފުލުހުންނާ ގުޅިގެން ގަހުގައި ހުޅުޖެހި ފަރާތްތައް ހޯދަމަށް މަސައްކަތް ކުރަމުން އަންނަ ކަމަށެވެ.
އަދި އެ މައްސަލަ ތަހުގީގުކޮށްދިނުމަށް އެ ވުޒާރާއިން ރަސްމީކޮށް ފުލުހުންނަށް ހުށަހަޅާފައިވާ ކަމަށް ވެސް އެ ބަޔާނުގައިވެއެވެ.
އެ މައްސަލަ އެ މަރުކަޒުން ބެލުމަށްފަހު މި މައްސަލައިގައި ޒިންމާވާ ފަރާތްތަކާ މެދު ފިޔަވަޅު އެޅުމުގެ މަސައްކަތް ކުރާނެ ކަމަށް މަރުކަޒުން ބުންޏެވެ.
މީގެއިތުރުން، ދިވެހިންގެ ތާރީހާއި ތަރިކަ ރައްކާތެރިކޮށް އަންނަން އޮތް ޖީލުތަކަށް ފޯރުކޮށްދިނުމަކީ އަމާނާތެއްކަން ފާހަގަކޮށް އެ މަރުކަޒުންވަނީ، ތަރިކައާއި ތާރީހު ރައްކާތެރިކުރުމުގައި ކަމާގުޅޭ އިދާރާތަކާއި ފަރުދުން އެ މަރުކަޒަށް އެއްބާރުލުން ދިނުމަށް އެދިފައެވެ.
ނޫސް ބަޔާން
ތިލަދުންމަތީ ބާރަށު އީދުކުޅޭ މަގުގައި ހުންނަ މި ކާނިގަހުގައި ރޯކޮށްލާފައި ވަނީ މިދިޔަ އަންގާރަ ދުވަހުގެ ދަންވަރެވެ.
ތާރީހު ދިރާސާ ކުރައްވާ ބޭފުޅުން ވިދާޅުވާ ގޮތުގައި އެ ގަަހަށް މިހާރު 400 އަހަރަށް ވުރެ ގިނަ ދުވަސް ވެދާނެ އެވެ.
ބާރަށު ކައުންސިލުން ބުނިގޮތުގައި އެ ބިޔަ ކާނި ގަހުގައި ރޯކޮށްލާފައިވަނީ ރޭގެ ދަންވަރުގެ ވަގުތެއްގައެވެ. ހުޅު ޖެހުމުގެ ސަބަބުން އެ ގަސް ވަނީ ވަރަށް ބޮޑަށް އަނދައި ހުލިވެފަ އެވެ.
މިއީ ކީއްވެ, ކޮން ބައެއް ކުރި ކަމެއްކަން އަދި ސާފުނުވާއިރު މި މައްސަލައިގައި އަދި ބަޔަކު ހައްޔަރުކޮށްފައެއް ވެސް ނުވާ ކަމަށް އިއްޔެ ފުލުހުން ބުނެ އެވެ.
