ފުލުހުން ބުނީ ނައްތާލީ 958 މައްސަލައާއި 197 އިންސިޑެންޓުގައި ހިމެނޭ 3121 އެވިޑެންސެވެ. މަސްތުވާތަކެތި ނައްތާލުން ކުރިއަށް ގެންގޮސްފައިވަނީ ފުލުހުންގެ ބެލުމުގެ ދަށަށް ގެނެވޭ މަސްތުވާތަކެއްޗާއި މަސްތުވާތަކެތީގެ މައްސަލަތަކާ ގުޅިގެން ހިފެހެއްޓޭ ތަކެތި ނައްތާލުމުގައި އަމަލުކުރާނެ ގޮތުގެ ގަވާއިދުގެ ދަށުން އެކަމަށްޓަކައި އެކުލަވައިލާފައިވާ ކޮމިޓީގެ ބެލުމުގެ ދަށުންކަމަށް ދިވެހި ފުލުހުންގެ ހިދުމަތުން ބުނެއެވެ.
މިއަދު ފުލުހުން ނައްތާލި ޑްރަގްސް
ނައްތާލި ޑްރަގްސްގެ ބާވައްތައް
- މަސްތުވާތަކެތިހުރި 8293 ރަބަރު ޕެކެޓު
- 2731 ސެލޯފިންކޮޅު
- ފިލްމުހުސްކުރި 237 ދަޅު
- 585 ބުލެޓު
- 30 ބިޑި
- 537 މަނާ ބޭސްގުޅަ
- އެހެނިހެން 3045 އައިޓަމް
ފުލުހުން މިއަދު ނައްތާލި ޑްރަގްސް
މަސްތުވާތަކެތި ނައްތާލުމަށް މިއަދު ދޫނިދޫގައި ބޭއްވި ހަރަކާތުގައި ދާހިލީ ވަޒީރު އަލީ އިހްސާން އާއި ކޮމިޝަނަރ އޮފް ޕޮލިސް އަލީ ޝުޖާއު ބައިވެރިވިއެވެ. އަދި ބައެއް ނޫސްވެރިންނާއި މި ހަރަކާތުގައި ބައިވެރިވުމަށް ނަންނޯޓު ކުރުުމަށް ހުޅުވާލި ފުރުސަތުގައި ނަންނޯޓު ކުރި އާންމު ރައްޔިތުން ވެސް ބައިވެރިވިކަމަށް ފުލުހުން ބުނެއެވެ.
