އިންތިހާބު ފާސްކުރަން ރައްޔިތުން މަޖލީހުން ފާސްކުރި ގާނުނު ރައީސް ތަސްދީދު ކުރެއްވުމުން އިލެކްޝަންސް ކޮމިޝަނުން ވަނީ އިންތިހާބު އޭޕްރިލްމަހުގެ 21 ގައި ބާއްވަން ނިންމާފައެވެ. އަދި އެދުވަހަކީ އާދިއްތަ ދުވަހަކަސްވާތީ އެދުވަސް ސަރުކާރު ބަންދު ދުވަހެއްގެ ގޮތުގައި ހަމަޖައްސާދިނުމަށް ސަރުކާގައި އެދިފައިވާނޭކަމަށް އީސީން މިއަދު ވަނީ ބުނެފައެވެ. 

ރ. ދުވާފަރު ރައްޔިތުންނާއި ބައްދަލުކުރައްވާ ރައްޔިތުން މަޖިލީހުގެ އިންތިހާބާއި ގުޅޭގޮތުން ވާހަކަދައްކަވަމުން ރައީސް މުއިއްޒު ވިދާޅުވީ އިންތިހާބު އާދިއްތަ ދުވަހެއްގައި ބާއްވަން ނިންމީ އެމަނިކުފާނު އެދިވަޑައިގެން ނޫންކަމަށެވެ. ރައީސް ވިދާޅުވީ އިންތިހާބު ބާއްވަން އޭޕްރިލް 21 ކަނޑައެޅިކަން އެމަނިކުފާނަށްވެސް އެންގުނީ ނޫހުން ކަމަށެވެ. 

ރައީސް ވިދާޅުވީ އާދިއްތައަށް އިންތިހާބު ހެދުމުން އީސީއާ ގުޅާ އެކަން އެގޮތަށް ނިންމި ސަބަބު ސާފުކުރެއްވިކަމެވެ. 

އިލެކްޝަން ކޮމިޝަނުން އެގޮތަށް ނިންމުމުން އެ ދުވަސް ބަންދުކުރާނެކަން އަންގާފައިވާނެކަމަށްވެސް ރައީސް މިއަދު ވަނީ ވިދާޅުވެފައެވެ.