ޒުވާން ހަތީބުން ޕްރޮގްރާމުގައި ބައިވެރިވުމަށް ހުޅުވާލި ފުރުސަތުގައި 160 ދަރިވަރުން ވަނީ ބައިވެރިވެފައެވެ. އެކުދިންނާއި އިންޓަވިއުކޮށް، ސްކްރީންކުރުމުގެ މަސައްކަތް ފެށީ މިދިޔަ ޖެނުއަރީ މަހުއެވެ.
އިސްލާމީ ކަންތައްތަކާއި ބެހޭ ވަޒީރު ޑރ. ޝަހީމް ވިދާޅުވީ ޒުވާން ހަތީބުންގެ އަމަލީ ތަމްރީނުތައް ނިންމާ މިމަހު 10 ވަނަ ދުވަހު ރަސްމީ ހުއްދަ ދޫކުރާނެކަމަށެވެ. އަދި މި ފެށޭ ރޯދަ މަހު އެ ޒުވާނުން ހުތުބާ ކިޔާނެކަމަށްވެސް ވަޒީރު ވިދާޅުވިއެވެ.
ހަތީބުކަމަށް ކުރިމަތިލި ޒުވާނުންނަށް ބޭއްވި އިންޓަރވިއުގެ ތެރެއިން
އިސްލާމީ ކަންތައްތަކާއި ބެހޭ ވުޒާރާއިން ބުނީ ޒުވާން ހަތީބުންގެ އަމަލީ ތަމްރީނުތައް މިއަދުން ފެށިގެން އަންނަ ހޮނިހިރުގެ ނިޔަލަށް ކުރިޔަށް ދާނެކަމަށެވެ. އަދި ތަމްރީނުތައް ކުރިޔަށް ދާނީ ސަލްމާން މިސްކިތުގައިކަމަށްވެސް އެ ވުޒާރާއިން ބުނެއެވެ.
ޒުވާން ހަތީބުން ޕްރޮގްރާމަކީ ގްރޭޑް 10، 11 އަދި 12 ގައި އުޅޭ ދަރިވަރުންނަށާއި ސްކޫލް ނިމިފައިވާ ދަރިވަރުންނަށް ހުކުރު ކުރުމުގެ ހުއްދަ ދިނުމަށް ކުރިޔަށް ގެންދާ ޕްރޮގްރާމެކެވެ.
