މިއީ އިންޓަރ އޮފީސް ބިލިއާޑް މުބާރާތުގެ ފިރިހެން ސިންގަލްސް ޗެމްޕިއަންކަން ދުންޔާޒް ޖެހިޖެހިގެން ހޯދި ތިންވަނަ ފަހަރެވެ. މުބާރާތުގެ ފުރަތަމަ ޑިވިޝަނުގެ ފިރިހެން ސިންގަލްސް ޗެމްޕިއަންކަން ދުންޔާޒް ހޯދީ ފައިނަލުގައި އެމްޕީއެލްގެ ހަސަން ޝާޒް މުޙައްމަދު ބަލިކޮށްގެންނެވެ.
އަންހެން ސިންގަލްސް ޗެމްޕިއަންކަން ހޯދީ ކަސްޓަމްސް ރެކްރިއޭޝަން ކުލަބު (ސީއާރްސީ) ގެ އާމިނަތު ހަލީމެވެ. އޭނާ ޗެމްޕިއަންކަން ހޯދީ ފައިނަލުގައި ސީއާރްސީގެ އައިޝަތު ހިންދު ހުސެއިން ބަލިކޮށްގެންނެވެ.
ދެވަނަ ޑިވިޝަނުގެ ފިރިހެން ސިންގަލްސް ޗެމްޕިއަންކަން ހޯދީ މޯލްޑިވްސް އިސްލާމިކް ބޭންކް (އެމްއައިބީ) ގެ ޝިފާއު އަބްދުﷲ އެވެ. އޭނާ ޗެމްޕިއަންކަން ހޯދީ ފައިނަލުގައި ބޭންކް އޮފް މޯލްޑިވްސް (ބީއެމްއެލް) ގެ އިބްރާހީމް ދާއޫސް ބަލިކޮށްގެންނެވެ.
ފިރިހެން ޓީމު އިވެންޓުގެ ޗެމްޕިއަންކަން ހޯދީ އެމްޕީއެލްއެވެ. ދެވަނަ ސްޓެލްކޯ ހޯދިއިރު، ތިންވަނަ ހޯދާފައިވަނީ ޓްރާންސް މޯލްޑިވިއަން އެއާވޭސްއެވެ. އަންހެން ޓީމު އިވެންޓުގެ ޗެމްޕިއަންކަން ސީއާރްސީން ހޯދިއިރު، ރަނަރަޕްކަން ހޯދީ ރައީސް އޮފީހެވެ. އަދި ތިންވަނަ ހޯދާފައިވަނީ ބީއެމްއެލްއެވެ.
