މި ޕްރޮގްރާމުގައި ބައިވެރިވެވޭނީ އިސްލާމީ ދާއިރާއަކުން ދަށް ވެގެން ޑިގްރީއެއް އޮތް، އަދި ހޮވައިލެވޭ އިލްމީ ބަޔަކަށް ކަމަށް މިނިސްޓްރީން ބުންޏެވެ.
މި ޕްރޮގްރާމުގައި ޓްރެއިނިން ދޭ ބައިތަކުގެ ތެރޭގައި ހިމެނެނީ:
- އިސްލާމީ އިދާރީ ލީޑަޝިޕް
- އިސްތިރާޖީ ވިސްނުމާއި އިސްތިރާޖީ ރޭވުންތެރިކަމާއި މުއައްސަސާތައް ބިންނާކުރާނެ ގޮތް
- ހިންގުމާއި ޓީމު ވޯކާއި ޑިޕްލޮމަސީއާއި ކްރައިސިސް މެނޭޖްމަންޓް
އެ ޕްރޮގްރާމްގެ ތެރެއިން އިސްލާމީ ގައުމުތަކުގެ މުހިންމު ޝަހްސިއްޔަތުތަކާއި ބައްދަލުކުރުމާއި ގައުމުތަކަށް ޒިޔާރަތްކުރުމާއި ތަޖުރިބާ ހޯދުން ހިމެނޭ ކަމަށް ވެސް މިނިސްޓްރީއިން ބުންޏެވެ.
މިނިސްޓްރީއިން ބުނީ އެ ޕްރޮގްރާމްގައި ޓްރެއިނިން ދޭނީ ރާއްޖެއާއި ރާއްޖެއިން ބޭރުގެ ތަޖުރިބާކާރުން ކަމަށެވެ.
އިސްލާމިކް މިނިސްޓްރީއިން މަސައްކަތުގެ ބައްދަލުވުމެއްގެ ތެރެއިން
މިނިސްޓްރީއިން އިތުރަށް ބުނި ގޮތުގައި، އެ ޕްރޮގްރާމްގެ އަޒުމަކީ މުސްތަގުބަލުގައި ރާއްޖޭގެ އިސްލާމީ މުއައްސަސާތައް ލީޑްކުރާނެ ޒުވާން ޓީމެއް ބިނާކުރުމެވެ.
ރާއްޖޭގައި އިސްލާމްދީން ދެކެ ލޯބިވާ ޒުވާނުން ބިނާކުރުމަށް އިސްލާމިކް މިނިސްޓްރީއިން މިހާރުވެސް އަންނަނީ ގިނަ މަސައްކަތްތަކެއް ކުރައްވަމުންނެވެ. މިގޮތުން އާއްމުންނަށް ދިނީ ކަންކަމުގައި ހޭލުންތެރިކަން އިތުރުކުރުމުގެ އެންމެ ގާތުން މަސައްކަތްކުރައްވާ އިމާމުން އިތުރަށް ހަރުދަނާކުރުމުގެ ޕްރޮގްރާމްތައްވެސް އަންނަނީ ހިންގަވަމުންނެވެ.
މީގެ އިތުރުން ސްކޫލް ނިންމާ ކުދިންގެ ހިތްތަކުގައި އިމާމުވެ ނަމާދުކޮށް ކީރިތި ގުރުއާނަށް ލޯބިޖެއްސުމުގެ މަގުސަދުގައި އެކުދިންނަށް އިމާމުވެ ނަމާދުކުރުމާއި ހުކުރު ކުރުމުގެ ހުއްދަ ދިނުމުގެ މަސައްކަތްވެސް އަންނަނީ ކުރަމުންނެވެ.
