މަސްވެރިން މަސްކިރުވާ ދޭންޖެހޭ ހުރިހާ ފައިސާއެއް ރޯދަ މަސް ފެށުމުގެ ކުރިން ދީ ނިންމާނެކަމަށްް މިމަހުގެ 3 ވަނަދުވަހު ރައީސްް މުއިއްޒު ވިދާޅުވީ ދުވާފަރު ރައްޔިތުންނާ ބައްދަލަުކުރައްވާ ވާހަކަފުޅު ދައްކަވަމުންނެވެ.
މަސްވެރިކަމާއި ބެހޭ ވުޒާރާއިން ރޭ ބުނީ 7 މާރިޗު 2024 ގެ ނިޔަލަށް މަސްވެރިންނަށް ދައްކަންޖެހި ނުދެއްކި ހުރި ފައިސާގެ ތެރެއިން 157 މިލިއަން ދޫކުރުމުގެ މަސައްކަތް މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) ގެ ފަރާތުން ކުރަމުން ދާކަމަށެވެ. އަދި މި ބައި ޖަމާކޮށް ނިމުމުން މަސްވެރިންނަށް ނުދެއްކި ހުރި ހުރިހާ ފައިސާއެއް ދައްކާ ނިމޭނެ ކަމަށް އެ ވުޒާރާއިންވެސް ވަނީ ބުނެފައެވެ.
ސަރުކާެުން ވަނީ މަސްވެރިންނަށް ދޭންޖެހޭ ފައިސާގެ ބެކްލޮގް ކްލިއަރ ކުރެވުމުން ރައީސް މުއިއްޒު ވަައުދުވެޑައިގެން ގޮތަށް މަސްވެރިންނަށް ފައިސާ ދޫކުރަމުން ގެންދާނެކަމަށެވެ. މަސްވެރިން ކިރުވާ މަހަށް 48 ގަޑިއރުގެ ތެރޭގައި ފައިސާ ދިނުމަކީ ރައީސް މުއިއްޒުގެ ރިޔާސީ ވައުދެކެވެ.