ޝަހީމް މިހެން ވިދާޅުވީ ކުރީގެ މަޖިލިސް މެމްބަރު އިބްރާހިމް އިސްމާއިލް އެކްސްގައި ޝަކުވާގެ ގޮތުގައި ކުރެއްވި ޕޯސްޓަކަށް ޖަވާބުދެއްވަމުންނެވެ.
މި ޕޯސްޓަށް ޖަވާބުދެއްވަމުން އިސްލާމީ ކަންތައްތަކާއި ބެހޭ ވަޒީރު ޝަހީމް ވިދާޅުވީ ގޭބިސީތަކުގެ ބުޑުގަ ހުންނަ މިސްކިތްތަކުގައި އަޑުހަރުކޮށް ކިޔަވާ ނަމާދުތަކުގައްޔާއި ތަރާވީހު ނަމާދާއި ދަމު ނަމާދުގައި ރަނގަޅި ނަމާދުގެ އަޑު މިސްކިތުން ބޭރަށް ނީވި މިސްކިތުގެ އެތެރެއަށް އަޑު ހުންނަ ގޮތަށް ކުރުންކަމަށެވެ.
މިސްކިތުގައި ނަމާދުކުރާ އަޑު ބޭރަށް ނީވުނަސް ބަންގިއާއި ގަމަތް ބޭރަށް ހުއްޓަސް އެންމެ ރަނގަޅުކަމަށް ވަޒީރު ވަނީ ވިދާޅުވެފައެވެ.
ތާޅަފިލިން ބޭރަށް އަޑުދީގެން ނަމާދުކުރުމަކީ ދީނާ ޚިލާފްކަމެއްކަމަށާއި މިނިސްޓްރީއިން އެކަން ހުއްޓުވެންވާނެކަމަށް ބުނެ އިބްރާ ދެއްކެވި ވާހަކަތަކަށް ރައްދުދެއްވުމުން ޝަހީމް ވިދާޅުވީ ކަންކަން ރަނގަޅުކުރުމަށް މިދަނީ މަސައްކަތް ކުރަމުންކަމަށާއި ހެޔޮ ނަތީޖާ ފެންނާނެކަމަށެވެ.
