މަޖިލީހުގެ މިއަދުގެ ޖަލްސާ ފައްޓަވަމުން މަޖިލީހުގެ މެމްބަރުންގެ ޖުމްލެ އަދަދަކީ 87 ކަމަށް ރިޔާސަތުގައި އިންނެވި މަޖިލީހުގެ ރައީސް އަސްލަމް ވިދާޅުވުމުން އެމްޑީޕީ މެމްބަރުންވަނީ އެކަމާއި ނުރުހުން ފާޅުކޮށްފައެވެ.
މަޖިލީހުގެ މެމްބަރުން ގުނާއިރު އިސްތިފާދީ ހުސްވެފައިވާ ގޮނޑިތައް ނުގުނާ ގޮތަށް މަޖިލީހުގެ ގަވައިދަށް ގެނައި އިސްލާހު ގާނޫނު އަސާސީއާ ހިލާފުކަމަށް ސުޕްރީމްކޯޓުން ވަނީ ކަނޑައަޅާފައެވެ. އެހެންކަމުން މިއަދުގެ ޖަލްސާ ފައްޓަވަމުން އަސްލަމް ވަނީ އެ މާއްދާ އުވާލުމަށް ހުށައަޅުއްވާފައެވެ،
އުވާލަން ހުށަހެޅި މާއްދާގައި ބުނެފައިވަނީ ރައްޔިތުން މަޖިލީހުގެ އިންތިހާބެއް ބާއްވަން 6 މަހަށްވެފައި އޮއްވާ ބައި އިލެކްޝަންސް ނުބޭއްވޭ ހާލަތުގައި އެ މަޖލީހުގެ ގޮނޑިއެއް ހުސްވެއްޖެނަމަ މެމްބަރުންގެ ޖުމްލަ އަދަދު ގުނާނީ ހުސްގޮނޑިތައް ނުހިމަނާކަމަށެވެ.
އަސްލަމް ވިދާޅުވީ މަޖިލީހުގެ ގަވައިދުގައި އަމަލު ނުކުރެވޭ މާއްދާއެއް އޮވެގެން ނުވާނެކަމަށާއި މަޖިލީހުގެ މަސައްކަތް ކުރިޔަށް ގެންދެވޭނީ އެއަށް ގޮތެއް ނިންމާފައިކަމަށެވެ.
އަސްލަމް ވިދަޅުވީ ސުޕްރީމްކޯޓުގެ ނިންމުމާއި އެކު މަޖިލީހުގައި އެއްވެސް ވޯޓެއް ނެގޭނީ އެ މާއްދާއާ މެދު ގޮތެއް ނިންމުމަށްފަހުކަމަށެވެ.
އަސްލަމްގެ މި ނިންމުމާއި އެކު މަޖިލީހުގައި ހިމެނޭ އެމްޑީ ބައެއް މެމްބަރުންވަނީ އެކަމާއި ދެކޮޅަށް ވާހަކަދައްކާވައެވެ.
