މޯލްޑިވިއަން އިން ބުނީ މި ޕްރޮމޯޝަން ފެއާގެ ދަށުން އެ އެއާލައިނުން ދަތުރުކުރާ ޑޮމެސްޓިކް 8 އެއާޕޯޓަކަށް ހާއްސަ ފެއާތަކެއް ތައާރަފް ކޮށްފައި ވާކަމަށެވެ.
މި ފެއާގެ ދަށުން އެކުންފުނީގެ ޓިކެޓިން އޮފީސްތަކާއި ވެބްސައިޓު މެދުވެރިކޮށްވެސް ޓިކެޓް ބުކްކޮށްލެވޭނެ ކަމަށް އެކުންފުނިން މައުލޫމާތުދެ އެވެ.
މި ޕްރޮމޯޝަނަލް ފެއާގެ ދަށުން ދަތުރު ކުރެވޭ ޑޮމެސްޓިކް 8 އެއާޕޯޓަކީ:
- ސ. ގަމަށް އެއްކޮޅު ޓިކެޓު - 1،222ރ.
- ފުވައްމުލައް އެއްކޮޅު ޓިކެޓު - 1،155ރ.
- ގދ. ކާޑެއްދޫ އެއްކޮޅު ޓިކެޓު - 1،333ރ.
- ގއ. ކޫއްޑޫ އެއްކޮޅު ޓިކެޓު - 1،111 ރ.
- ލ. ކައްދޫ އެއްކޮޅު ޓިކެޓު - 1،055ރ.
- ނ. މާފަރު އެއްކޮޅު ޓިކެޓު - 999ރ
- ރ. އިފުރު އެއްކޮޅު ޓިކެޓު - 999ރ.
- ހދ. ހަނިމާދުއަށް އެއްކޮޅު ޓިކެޓު - 1،111ރ.
މޯލްޑިވިއަނުން އަންނަނީ އެތެރޭ އުދުހުމުގެ ހިދުމަތް ފުޅާކުރުމުގެ ގޮތުން އިތުރު މަތިންދާބޯޓު ހޯދުމުގެ މަސައްކަތް ކުރަމުންނެވެ. މިގޮތުން އެއާލައިނަށް އޭޓީއާރު މަރުކާގެ އިތުރު ދެ މަތިންދާ ބޯޓު ހޯދުމާ ގުޅޭ އެއްބަސްވުމުގައި އޭޓީއާރު ކުންފުންޏާ އެކު މިދިޔަ މަހު ސޮއިކޮށްފައި ވެއެވެ.
- އިތުރަށް ކިޔާލަން: މޯލްޑިވިއަންގެ އައުބޯޓްގެ ހިދުމަތް ސެޕްޓެމްބަރމަހު ފެށޭނެ
މޯލްޑިވިއަންއިން އަންނަނީ ސްރީލަންކާގެ ކޮލަމްބޯގެ ބަންޑާރަނައިކަ އިންޓަނޭޝަނަލް އެއާޕޯޓަށް އަންނަ އޭޕްރީލް މަހުގެ 25 ވަނަ ދުވަހުން ފެށިގެން ދަތުރު ފަށަން ތައްޔާރުވަމުންނެވެ.
- އިތުރަށް ކިޔާލަން: މޯލްޑިވިއަންއިން ލަންކާއަށް އަލުން ދަތުރުތައް ފަށަނީ
