ރާއްޖޭގެ އިގްތިސާދީ ސަރައްހަދު ބެލެހެއްޓުމަށް ސަރުކާރުން "ބޮޑު އަގުގައި" ގަތް އަސްކަރީ ޑްރޯންތަކަކީ، އަވަސް އަރުވާލައިގެން، ކުރިއަށް އޮތް މަޖިލިސް އިންތިހާބުގެ ކެމްޕެއިނަށް ފައިސާ ހޯދުމަށް ހިންގެވި ޖަރީމާ އެއްކަމަށް އޭނާ ވިދާޅުވި އެވެ.
އީސަ ވިދަޅުވި ގޮތުގައި ބަޖެޓު ނުކުރައްވާ ކަމެއް ކޮންޓިންޖެންސީ ބަޖެޓުން ނަގައިގެން ކުރެއްވި ކުރެއްވުމަކީ ވަރަށް ބޮޑަށް ސުވާލު އުފެދޭ ކަމެއް ކަމަށެވެ.
ރާއްޖޭގެ ކަނޑުގެ ސަރަހައްދު ބެލެހެއްޓުމަކީ ރައްޔިތުންނާއި ހާއްސަކޮށް މަސްވެރިން ވެސް ބޭނުންވާނެ ކަމެއް ކަމަށާއި އެކަން ކުރުމަށް ޑްރޯންގެ އެހީ ހޯދަން އެމްޑީޕީ ސަރުކާރުން ވެސް މަސައްކަތްތަކެއް ކުރި ކަމަށް އީސަ ވިދާޅުވި އެވެ.
އީސަ ވިދާޅުވިގޮތުގައި، އޭރު ހެދި ދިރާސާތަކުގައި، ދުނިޔޭގެ ބާޒާރުގައި އެފަދަ ޑްރޯން ވިއްކަން ހުރި އަގުތައް ވެސް އެމްޑީޕީ ސަރުކާރުން ބެލި ކަމަށާއި އެ ހިސާބަށް އެކަން ގެންގޮސްފައި ވަނިކޮށް، ރައީސް މުއިއްޒު ވެރިކަމަށް ވަޑައިގެން ތުރުކީއަށް ވަޑައިގެން އެފަދަ އެއްބަސްވުމެއްގައި ސޮއިކުރުމުން ސުވާލު އުފެދޭ ކަމަށެވެ.
